Iron Floats; Syrians Blinded

¹Ka morago ga moo Bene-hadada kgoši ya Siria a rapa madira a gagwe ka moka gomme a rotoga a yo rakelela Samaria."

²Gwa wa tlala e kgolo Samaria, gomme ba e rakelela go fihla hlogo ya pokolo e le dishekele tše masomeseswai tša silifera, le bolekana bja morole wa leeba e le dishekele tše hlano tša silifera."

³Ya re ge kgoši ya Isiraele e sepela morakong, mosadi yo mongwe a e llela a re: “Ntlhakodiše hle, wena kgoši mong wa ka!”"

⁴Yona ya re: “Ge e ba Jehofa a sa go hlakodiše, nna ke tla go hlakodiša bjang? Na o nagana gore nka go nea mabele goba beine goba makhura?”"

⁵Kgoši ya iša pele ya re go yena: “Bothata bja gago ke eng?” Mosadi yola a re: “Mosadi yo o itše go nna: ‘Tliša morwa wa gago re mo je lehono gomme re tla ja morwa wa ka gosasa.’"

⁶Ka gona re ile ra apea morwa wa ka ra mo ja. Ke moka letšatšing le le latelago ka re go yena: ‘Tliša morwa wa gago re mo je.’ Eupša yena a uta morwa wa gagwe.”"

⁷Ya re ge kgoši e ekwa mantšu a mosadi yoo, ya gagola diaparo tša yona le semeetseng; ya re ge e feta moo morakong, batho ba bona gore e be e apere mokotla ka gare ga diaparo tša yona."

⁸Kgoši ya re: “Anke Modimo a ntire kamoo a ratago a be a oketše go seo, ge e ba hlogo ya Elisha morwa wa Shafata e tla be e sa le go yena lehono!”"

⁹Elisha o be a dutše ka ntlong ya gagwe a na le banna ba bagolo ge kgoši e be e romela motho go yena. Pele ga ge moromiwa yoo a ka fihla go yena, o ile a botša banna ba bagolo a re: “A le bone kamoo morwa yo wa mmolai a rometšego motho gore a tle a kgaole hlogo ya ka? Le direng se: Gateetee ge moromiwa a etla le tswalele mojako gomme le mo pitlaganyeng ka wona. A ga go kwale mošito wa maoto a mong wa gagwe a mo šetše morago?”"

¹⁰Ya re a sa bolela le bona, gwa tšwelela moromiwa a theogela go yena, ke moka kgoši ya re: “Bjo ke bošula bjo bo tšwago go Jehofa. Go re’ng ke sa letetše Jehofa?”"

¹¹Bjale Elisha a re: “Theetšang lentšu la Jehofa. Se ke seo Jehofa a se boletšego: ‘Gosasa ka yona nako ye kelo e tee ya bupi bja mathume e tla be e le shekele, gomme dikelo tše pedi tša garase e tla be e le shekele kgorong ya Samaria.’”"

¹²Ge a re’alo mothuši wa kgoši a araba monna wa Modimo wa therešo a re: “Ge e ba Jehofa a butše methopo ya meetse kua magodimong, na selo seo se ka direga?” Ge a re’alo Elisha a re: “Ka mahlo a gago o tla di bona, eupša o ka se di je.”"

¹³Go be go na le banna ba bane bao e bego e le balephera, bao ba bego ba dula mojakong wa kgoro; bona ba boledišana ba re: “Re duletše eng mo re tla ba ra hwa?"

¹⁴Le ge re ka re: ‘A re tseneng motseng,’ mola motse o wetšwe ke tlala, le gona re be re tla hwa. Ge re ka fo dula mo, le gona re tla hwa. Bjale a re šwahleleng mešaša ya Basiria. Ge e ba ba sa re bolaye re tla phela; eupša ge e ba ba re bolaya, gona re tla ikhwela.”"

¹⁵Ka leswiswi la bošego ba ema ba tsena mešašeng ya Basiria; ba ba ba fihla moo mešaša ya Basiria e felelago gona, gomme go be go se na motho moo."

¹⁶Jehofa o be a dirile gore madira a Basiria a kwe modumo wa dikoloi tša ntwa, mošito wa dipere le mošito wa madira a mantši, moo a ilego a botšana a re: “Bonang! Kgoši ya Isiraele e thwetše dikgoši tša Bahethe le tša Baegipita gore di tle di lwe le rena!”"

¹⁷Gateetee a ema a tšhaba gona moo leswiswing la bošego gomme a tlogela ditente tša ona, dipere tša ona le dipokolo tša ona, a tlogela mešaša e le bjalo, a tšhabiša meoya ya ona."

¹⁸Ge balephera bao ba fihlile moo mešaša e felelago gona, ba ile ba tsena tenteng e nngwe ba ja, ba nwa ba ba ba rwala silifera, gauta le diaparo gomme ba tloga ba yo di uta. Ka morago ga moo ba boela ba tsena tenteng e nngwe gape ke moka ba tšea dilo ka go yona ba tloga ba yo di uta."

¹⁹Mafelelong ba botšana ba re: “Selo se re se dirago ga se sa loka. Lehono le ke letšatši la ditaba tše dibotse! Ge e ba re dikadika ra leta go fihlela mesong, gona re tla ba le molato. Bjale a re išeng pego ntlong ya kgoši.”"

²⁰Ke moka ba tla ba bitša baletakgoro ba motse ba ba begela ba re: “Re tsene mešašeng ya Basiria ra hwetša go se na motho e bile go sa kwagale mošito wa motho, eupša re hweditše feela dipere le dipokolo di kgokilwe gomme ditente di tlogetšwe di le bjalo.”"

²¹Baletakgoro ba goeletša ba tsebiša batho ba ka ntlong ya kgoši taba yeo."

²²Gateetee kgoši ya tsoga ka yona nako yeo ya bošego ya re go bahlanka ba yona: “Anke hle ke le botšeng seo Basiria ba re dirilego sona. Ba tseba gabotse gore re swerwe ke tlala; ka gona ba tlogile mešašeng ya bona ba utama nageng, ba re: ‘Ba tla tšwa motseng gomme ra ba swara ba sa phela, ke moka rena ra tsena motseng.’”"

²³Yo mongwe wa bahlanka ba yona a re: “Hle anke banamedi ba dipere ba tšee tše hlano tša dipere tšeo di šetšego mo motseng. Bona! Ba fo swana le lešaba ka moka la Baisiraele leo le šetšego mo motseng. Bona! Ba fo swana le lešaba ka moka la Baisiraele leo le hwilego. Anke re ba rome ba yo bona.”"

²⁴Ke moka ba tšea dikoloi tše pedi le dipere gomme kgoši ya ba roma gore ba ye mešašeng ya Basiria, ya re go bona: “Eyang le yo bona.”"

²⁵Ka gona ba šala Basiria bao morago go fihla Nokeng ya Jorodane; mo tseleng ka moka go be go tletše diaparo le dilo tšeo Basiria ba di lahlilego ge ba be ba tšhaba. Ke moka baromiwa bao ba boela morago ba yo begela kgoši."

²⁶Ke moka batho ba tšwa gomme ba hula mešaša ya Basiria; ka gona kelo e tee ya bupi bja mathume ya ba shekele gomme dikelo tše pedi tša garase ya ba shekele, go ya ka lentšu la Jehofa."

²⁷Kgoši yona e be e kgethile mothuši gore a hlokomele kgoro; batho ba mo gatakela fao kgorong, moo a ilego a hwa, feela bjalo ka ge monna wa Modimo wa therešo a boletše nakong ya ge kgoši e be e theogetše go yena."

²⁸Gwa direga go ya kamoo monna wa Modimo wa therešo a boletšego ka gona le kgoši, ge a be a re: “Gosasa ka yona nako ye dikelo tše pedi tša garase e tla ba e le shekele gomme kelo e tee ya bupi bja mathume e le shekele kgorong ya Samaria.”"

²⁹Eupša mothuši wa kgoši o be a arabile monna wa Modimo wa therešo a re: “Le ge Jehofa a be a ka bula methopo ya meetse kua magodimong, na go ka direga go ya ka lona lentšu le?” Ge a re’alo yena o be a itše: “Ka mahlo a gago o tla di bona, eupša o ka se di je.”"

³⁰Ka gona a diragalelwa ke sona seo, batho ba mo gatakela fao kgorong moo a ilego a hwa."

³¹Elisha o ile a bolela le mosadi yola a kilego a tsoša morwa wa gagwe, a re: “Ema o sepele, wena le ba lapa la gago, o ye o dule o le modiiledi kae goba kae moo o ka diilelago gona; gobane Jehofa o biditše tlala, go feta moo, e tlo wela naga ye ka nywaga e šupago.”"

³²Ka gona mosadi yoo a ema a dira go ya ka lentšu la monna wa Modimo wa therešo, a tloga le ba lapa la gagwe a yo dula e le modiiledi nageng ya Bafilisita ka nywaga e šupago."

³³Ya re ge nywaga e šupago e fedile, mosadi yoo a boa go tšwa nageng ya Bafilisita gomme a yo llela kgoši mabapi le ntlo ya gagwe le tšhemo ya gagwe."