Josiah's Reforms

¹Go be go se gwa ka gwa ba le kgoši e swanago le yena pele ga gagwe yeo e ilego ya boela go Jehofa ka pelo ya yona ka moka, moya wa yona ka moka le matla a yona ka moka, e latela molao ka moka wa Moshe; e bile ga se gwa ka gwa tsoga yeo e swanago le yena."

²Lega go le bjalo Jehofa ga se a ka a gomiša bogale bja gagwe bjo bo tukago, bjoo a bego a galefetše Bajuda ka bjona ka baka la dilo ka moka tšeo Manase a di dirilego gore ba kgopiše Modimo ka tšona."

³Eupša Jehofa a re: “Juda le yona ke tla e tloša pele ga mahlo a ka, feela bjalo ka ge ke tlošitše Isiraele; ke tla lahla motse woo ke o kgethilego, yona Jerusalema, le ntlo yeo ke boletšego ka yona ka re: ‘Leina la ka le tla ba moo.’”"

⁴Ge e le ditaba ka moka tša Josia le tšohle tšeo a di dirilego, na ga di a ngwalwa ka pukung ya ditaba tša mehleng ya dikgoši tša Juda?"

⁵Mehleng ya gagwe Farao Neko kgoši ya Egipita o ile a rotogela go kgoši ya Asiria ka tsela ya noka ya Eforate, gomme Kgoši Josia a ya a lwa le yena; eupša gateetee ge Farao Neko a mmona o ile a mmolaela Megido."

⁶Ka gona bahlanka ba gagwe ba mo rwala ka koloi e le setopo go tšwa Megido ba mo tliša Jerusalema gomme ba mmolokela lebitleng la gagwe. Ke moka setšhaba sa nageng yeo sa tšea Jehoahase morwa wa Josia sa mo tlotša gomme sa mmea gore e be kgoši legatong la tatagwe."

⁷Jehoahase o be a na le nywaga e masomepedi-tharo ge a thoma go buša, gomme o bušitše Jerusalema ka dikgwedi tše tharo. Leina la mmagwe e be e le Hamutala morwedi wa Jeremia wa go tšwa Libina."

⁸O ile a dira tše mpe mahlong a Jehofa, a dira go ya ka tšohle tšeo borakgolokhukhu ba gagwe ba di dirilego."

⁹Farao Neko a mo tlema kua Ribila nageng ya Hamathi gore a se sa buša Jerusalema, ke moka a gapeletša naga gore e lefe ditalente tše lekgolo tša silifera le talente ya gauta."

¹⁰Le gona Farao Neko o ile a bea Eliakima morwa wa Josia gore e be kgoši legatong la Josia tatagwe ke moka a fetoša leina la gagwe gore e be Jehoyakima; o ile a tšea Jehoahase a mo iša Egipita, moo a ilego a hwela gona."

¹¹Jehoyakima o ile a nea Farao silifera le gauta. Fela o ile a lefiša batho ba naga yeo lekgetho, gore ba ntšhe silifera ka taelo ya Farao. O ile a nyaka silifera le gauta setšhabeng sa naga yeo go ya le kamoo yo mongwe le yo mongwe a bego a lefa lekgetho, e le gore a tle a di nee Farao Neko."

¹²Jehoyakima o be a na le nywaga e masomepedi-hlano ge a thoma go buša, gomme o bušitše Jerusalema ka nywaga e lesometee. Leina la mmagwe e be e le Sebida morwedi wa Pedaya wa go tšwa Ruma."

¹³O ile a dira tše mpe mahlong a Jehofa, go ya ka tšohle tšeo borakgolokhukhu ba gagwe ba di dirilego."

¹⁴Mehleng ya gagwe Nebukadinetsara kgoši ya Babilona o ile a tsogela naga matla, ke moka Jehoyakima a ba mohlanka wa gagwe ka nywaga e meraro. Eupša o ile a mo hlanogela gomme a rabela go yena."

¹⁵Jehofa a mo romeletša ka bahlasedi ba Bakaladea, bahlasedi ba Basiria, bahlasedi ba Bamoaba le bahlasedi ba bana ba Amoni, a ba roma gore ba lwe le Juda ba e senye, go ya le ka lentšu la Jehofa ka boyena leo a le boletšego ka bahlanka ba gagwe ba baporofeta."

¹⁶E bile fela ka taelo ya Jehofa moo dilo tše di ilego tša diragalela Juda, gore e tlošwe mahlong a gagwe ka baka la dibe tša Manase le ka baka la tšohle tšeo a bego a di dirile;"

¹⁷le ka baka la madi a se nago molato ao a a tšholotšego, moo a ilego a tlatša Jerusalema ka wona, gomme Jehofa ga se a ka a dumela go ba lebalela."

¹⁸Ge e le ditaba ka moka tša Jehoyakima le tšohle tšeo a di dirilego, na ga di a ngwalwa ka pukung ya ditaba tša mehleng ya dikgoši tša Juda?"

¹⁹Mafelelong Jehoyakima a robala le borakgolokhukhu ba gagwe, gomme Jehoyakini morwa wa gagwe a buša legatong la gagwe."

²⁰Le ka mohla kgoši ya Egipita ga se ya ka ya buša ya tšwa nageng ya yona, gobane kgoši ya Babilona e be e tšere tšohle tšeo e bego e le tša kgoši ya Egipita, go tloga ka moedi wa mafula wa Egipita go fihla ka noka ya Eforate."

²¹Jehoyakini o be a na le nywaga e lesomeseswai ge a thoma go buša, gomme o bušitše Jerusalema ka dikgwedi tše tharo. Leina la mmagwe e be e le Nehushitha morwedi wa Elinathane wa Jerusalema."

²²O ile a dira tše mpe mahlong a Jehofa, a dira go ya ka tšohle tšeo tatagwe a di dirilego."

²³Ka yona nako yeo bahlanka ba Nebukadinetsara kgoši ya Babilona ba ile ba rotogela Jerusalema, moo motse woo o ilego wa rakelelwa."

²⁴Nebukadinetsara kgoši ya Babilona a tsogela motse woo matla, mola bahlanka ba gagwe ba be ba o rakeletše."

²⁵Mafelelong Jehoyakini kgoši ya Juda a tšwa a ya go kgoši ya Babilona, a tšwa a na le mmagwe, bahlanka ba gagwe, dikgošana tša gagwe le bahlankedi ba kgoro ya gagwe; kgoši ya Babilona e mo thopile a na le nywaga e seswai e le kgoši."

²⁶Ke moka gona moo a ntšha matlotlo ka moka a ntlong ya Jehofa le matlotlo a ntlong ya kgoši, a pšhatla dibjana ka moka tša gauta tšeo Solomone kgoši ya Isiraele a bego a di dirile tempeleng ya Jehofa, feela bjalo ka ge Jehofa a boletše."

²⁷A iša Jerusalema ka moka bothopša, dikgošana ka moka, bagale ka moka, bona banna ba matla—a iša banna ba dikete tše lesome (10 000) bothopša—le setsebi se sengwe le se sengwe sa mošomo wa diatla gotee le baagi ba dibo. Go be go se gwa šala motho ge e se batho ba maemo a tlasana nageng."

²⁸Ka go re’alo o ile a iša Jehoyakini bothopša Babilona; ge e le mmago kgoši, basadi ba kgoši, bahlankedi ba kgorong ya gagwe le banna ba maemo a godimo mo nageng o ile a ba thopa Jerusalema a ba iša Babilona."

²⁹Ge e le bagale ka moka, e lego ba dikete tše šupago (7 000), le ditsebi tša mošomo wa diatla gotee le baagi ba dibo, e lego ba sekete (1 000), banna ka moka ba matla ba lwago dintwa, kgoši ya Babilona e ile ya ba iša bothopša Babilona."

³⁰Le gona kgoši ya Babilona e ile ya bea Matania rangwane wa kgoši Jehoyakini gore e be kgoši legatong la gagwe. Ke moka ya fetoša leina la gagwe gore e be Tsedekia."

³¹Tsedekia o be a na le nywaga e masomepedi-tee ge a thoma go buša, gomme o bušitše Jerusalema ka nywaga e lesometee. Leina la mmagwe e be e le Hamutala morwedi wa Jeremia wa go tšwa Libina."

³²O ile a dira tše mpe mahlong a Jehofa, go ya ka tšohle tšeo Jehoyakima a bego a di dirile."

³³Tšeo di diregilego Jerusalema le Juda di bakile bogale bja Jehofa, moo a ilego a lahla metse ye le go e tloša pele ga gagwe. Tsedekia yena a rabela go kgoši ya Babilona."

³⁴Ya re ngwageng wa senyane wa ge a buša e le kgoši, kgweding ya lesome, letšatšing la lesome la kgwedi, gwa tla Nebukadinetsara kgoši ya Babilona, ee, yena le madira a gagwe ka moka, go tlo hlasela Jerusalema gomme ba e dikanetša ka mešaša le go e rakelela ka morako go e dikologa gore ba lwe le yona."

³⁵Motse wa rakelelwa go fihla ngwageng wa lesometee wa pušo ya Kgoši Tsedekia."

³⁶Letšatšing la senyane la kgwedi ya bone, tlala ya ba e šoro motseng gomme gwa se be le senkgwa bakeng sa batho ba naga."

³⁷Motse wa šwahlelwa, banna ka moka ba ntwa ba tšhaba bošego ba tšwa ka tsela ya kgoro e lego magareng ga merako e mebedi yeo e bapilego le serapa sa kgoši, mola Bakaladea ba be ba le gohle ba dikologile motse; kgoši ya sepela ka tsela e lebilego Araba."