Sennacherib's Defeat

¹Na ga se wa kwa? Se ke seo ke bego ke dutše ke tla se dira go tloga mehleng ya kgale. Ke se rerile le go tloga mehleng e fetilego. Bjale ke tla se phetha. Wena o tla šwalalanya metse e šireleditšwego ya fetoga mekgobo ya mašope."

²Badudi ba yona ba tla repha matsogo; Ba tla tšhoga le go hlabja ke dihlong.nBa tla etša dimela tša tšhemo le bjang bjo bonanana bjo botala, Bjang bja ditlhaka tša dintlo ge bo tšhungwa ke phefo ya ka bohlabela."

³Ke tseba gabotse go dula ga gago o kgosetše, go tšwa ga gago le go tsena ga gago, Le go nkgalefela ga gago,"

⁴Ka gobane go nkgalefela ga gago le go hlaba ga gago mokgoši go fihlile ditsebeng tša ka. Ke tla tsenya kgwega nkong ya gago le tomo molomong wa gago, Ka go gomišetša morago ka tsela yeo o tlilego ka yona.”"

⁵“‘Se e tla ba seka go wena: Lenyaga go tla jewa tše di metšego dipeung tše di wetšego fase, ngwageng wa bobedi gwa jewa mabele ao a imedišitšego; eupša ngwageng wa boraro le bjale peu, le bune gomme le bjale dirapa tša merara le je dienywa tša yona."

⁶Bao ba phonyokgilego ba ntlo ya Juda, e lego bao ba šetšego, ba tla tsema medu fase gomme ka godimo ba enywe dienywa."

⁷Ka gobane Jerusalema go tla tšwa mašaledi gomme bao ba phonyokgilego ba tla tšwa Thabeng ya Tsione. Seo se tla dirwa ke phišego ya Jehofa wa madira."

⁸“‘Ke ka baka leo Jehofa a boletšego mabapi le kgoši ya Asiria a re: “Kgoši e ka se tsene motseng wo, e bile e ka se betše mosebe go wona, goba ya o batamela ka kotse le ge e le go aga legora la go o rakelela."

⁹E tla gomela morago ka tsela yeo e tlilego ka yona gomme e ka se tsene motseng wo, o re’alo Jehofa."

¹⁰Ke tla lwela motse wo gore ke o phološe ka baka la ka le ka baka la Dafida mohlanka wa ka.”’”"

¹¹Bošegong bjoo morongwa wa Jehofa a ya a bolaya ba dikete tše lekgolo-masomeseswai-hlano (185 000) mešašeng ya Baasiria. Mesong ge batho ba tsoga, ke ge ba hwetša bao ka moka ba hwile e le ditopo."

¹²Ka gona Sanheribe kgoši ya Asiria a tloga, a sepela, a gomela morago gomme a dula Ninife."

¹³Ya re ge a khuname ntlong ya Nisiroko modimo wa gagwe, barwa ba gagwe e lego Adirameleke le Sharetsere ba mo hlaba ka tšhoša, ke moka bona ba tšhabela nageng ya Ararate. Morwa wa gagwe Esara-hadoni a buša legatong la gagwe."

¹⁴Mehleng yeo Hesekia a babja wa go hwa. Ke moka moporofeta Jesaya morwa wa Amotse a tla go yena gomme a re go yena: “Se ke seo Jehofa a se boletšego: ‘Nea ba lapa la gago ditaelo, gobane wena o tlo hwa gomme o ka se phele.’”"

¹⁵Ge a ekwa seo a phekgoga a lebiša sefahlego sa gagwe lebotong a rapela Jehofa, a re:"

¹⁶“Ke a go lopa, wena Jehofa, hle gopola kamoo ke sepetšego ka go botega pele ga gago le ka pelo ka moka, gomme ke dirile seo se lokilego mahlong a gago.” Ke moka Hesekia a lla gabohloko."

¹⁷Jesaya o be a se a hlwa a etšwa a eya lapeng la gare ge lentšu la Jehofa le mo tlela, le re:"

¹⁸“Boela morago gomme o re go Hesekia moetapele wa setšhaba sa ka: ‘Se ke seo Jehofa Modimo wa Dafida rakgolokhukhu wa gago a se boletšego: “Ke kwele thapelo ya gago. Ke bone megokgo ya gago. Šefa ke a go fodiša. O tla rotogela ntlong ya Jehofa ka letšatši la boraro."

¹⁹Ke tla go okeletša nywaga e lesomehlano matšatšing a gago, le gona ke tla hlakodiša wena le motse wo seatleng sa kgoši ya Asiria, e bile ke tla lwela motse wo ka baka la ka le ka baka la Dafida mohlanka wa ka.”’”"

²⁰Jesaya a re: “Tšeang senkgwa sa makwapi a mago.” Ka gona ba se tšea ba se bea sekakung, ka morago ga moo a feleletša a fodile."

²¹Go sa le bjalo Hesekia a re go Jesaya: “Seka sa gore Jehofa o tla mphodiša gomme ka rotogela ntlong ya Jehofa letšatšing la boraro ke sefe?”"

²²Ge a re’alo Jesaya a re: “Se ke seka go wena seo se tšwago go Jehofa sa gore Jehofa o tla phethagatša lentšu leo a le boletšego: Na moriti wo o lego manamelong o šuthele pele ka dikgato tše lesome goba o boele morago ka dikgato tše lesome?”"

²³Ke moka Hesekia a re: “Go bonolo gore moriti o šuthele pele ka dikgato tše lesome, eupša ga go bonolo gore o boele morago ka dikgato tše lesome.”"

²⁴Ge a re’alo moporofeta Jesaya a goeletša Jehofa; o ile a dira gore moriti wo o bego o theogetše fase o feleletše o boetše morago manamelong, manamelong a Ahasi, o boetše morago ka dikgato tše lesome."

²⁵Ka nako yeo Berodaka-baladani morwa wa Baladani kgoši ya Babilona o ile a romela mangwalo le mpho go Hesekia; gobane o be a kwele gore Hesekia o be a babja."

²⁶Hesekia a theetša banna bao gomme a ba bontšha ntlo ya gagwe ka moka ya matlotlo, silifera, gauta, makhura ao a bitšwago balesamo, makhura a mabotse, bobolokelo bja dibetša le tšohle tšeo di bego di le gona matlotlong a gagwe. Go be go sa šala selo seo Hesekia a bego a sa ba bontšha sona ntlong ya gagwe le mmušong wa gagwe ka moka."

²⁷Ka morago moporofeta Jesaya a tla go Kgoši Hesekia a re go yena: “Banna ba ba rile’ng, gomme ba tlile go wena ba etšwa kae?” Ke moka Hesekia a re: “Ba tlile ba etšwa nageng ya kgole, ba tšwa Babilona.”"

²⁸Jesaya a botšiša a re: “Ba bone’ng ntlong ya gago?” Hesekia a re: “Ba bone tšohle tšeo di lego ka ntlong ya ka. Ga go na seo ke sa ba bontšhago sona matlotlong a ka.”"

²⁹Bjale Jesaya a re go Hesekia: “Ekwa lentšu la Jehofa ge a re:"

³⁰‘“Tseba gore go tla matšatši ao tšohle tšeo di lego ka ntlong ya gago le tšeo borakgolokhukhu ba gago ba di bolokilego go fihla lehono di tla išwago Babilona. Go ka se šale selo,” go boletše Jehofa."

³¹“Ba bangwe ba barwa ba gago bao o ba tswetšego, bao o tla bago tatago bona, le bona ba tla tšewa gomme ya ba bahlankedi kgorong ya ka mošate wa kgoši ya Babilona.”’”"

³²Ke moka Hesekia a re go Jesaya: “Lentšu la Jehofa leo o le boletšego ke le lebotse.” A tšwela pele a re: “Ke mo gobotse ge e ba khutšo le therešo di tla dula di le gona mehleng ya ka.”"

³³Ge e le ditaba ka moka tša Hesekia, tšohle tša matla a gagwe, kamoo a dirilego bodiba le mokero ke moka a tliša meetse motseng, na ga di a ngwalwa ka pukung ya ditaba tša mehleng ya dikgoši tša Juda?"

³⁴Mafelelong Hesekia a robala le borakgolokhukhu ba gagwe; ke moka Manase morwa wa gagwe a buša legatong la gagwe."

³⁵Manase o be a na le nywaga e lesomepedi ge a thoma go buša, gomme o bušitše Jerusalema ka nywaga e masomehlano-hlano. Leina la mmagwe e be e le Hefsiba."

³⁶O ile a dira tše mpe mahlong a Jehofa, a dira go ya ka dilo tše di šišimišago tša ditšhaba tšeo Jehofa a ilego a di raka pele ga bana ba Isiraele."

³⁷Ka gona o ile a tsošološa mafelo a phagamego ao Hesekia tatagwe a bego a a sentše, a direla Baali dialetare a ba a dira le kota e kgethwa, feela bjalo ka ge Ahaba kgoši ya Isiraele a ile a dira; a khunamela makoko ka moka a magodimong le go a hlankela."