Jehu's Reforms

¹Mafelelong ba tla ba neela dihlabelo le dibego tša go fišwa, gomme Jehu a emiša banna ba masomeseswai ka ntle bao ba bego ba laolwa ke yena, a re: “Ge go ka ba le motho yo a tlago go phonyokga mo go batho ba ke ba gafelago ka diatleng tša lena, gona go tla hwa lena.”"

²Ya re gateetee ge a feditše go neela sebego sa go fišwa, Jehu a botša bakitimi le bathuši ba balaodi ba madira a re: “Tsenang, le ba bolayeng! Go se ke gwa tšwa le o tee.” Bakitimi le bathuši ba balaodi ba madira ba ba bolaya ka bogale bja tšhoša gomme ba ba lahlela ka ntle, ba ba ba fihla ka sekgethweng sa tempele ya Baali."

³Ke moka ba ntšha dikokwane tše kgethwa tša tempele ya Baali gomme ba di fiša ka moka."

⁴Le gona ba phušola kokwane e kgethwa ya Baali ba ba ba phušola le tempele ya gagwe, ke moka ba dira mafelo a boithomelo moo go ba go fihla lehono le."

⁵Ka go re’alo Jehu a fediša Baali Isiraeleng."

⁶Dibe tša Jeroboama morwa wa Nebata tšeo a dirilego gore Isiraele e dire sebe ka tšona, e bile tšona feela tšeo Jehu a sa kago a tlogela go di latela, e lego dibe tša go rapela dinamane tša gauta tšeo e nngwe ya tšona e bego e le Bethele gomme e nngwe e le Dani."

⁷Ka gona Jehofa a re go Jehu: “Ka baka la ge o šomile gabotse ka go dira tše botse mahlong a ka, wa dira go ya ka tšohle tšeo di bego di le pelong ya ka ka ba ntlo ya Ahaba, gona barwa ba gago ba tla dula sedulong sa bogoši sa Isiraele go iša molokong wa bone.”"

⁸Jehu yena ga se a ka a hlokomela gore a sepele ka molao wa Jehofa Modimo wa Isiraele ka pelo ya gagwe ka moka. Ga se a ka a tlogela dibe tša Jeroboama tšeo ka tšona a dirilego gore Isiraele e dire sebe."

⁹Mehleng yeo Jehofa a thoma go fokotša naga ya Isiraele; Hasaele a ba hlasela dileteng ka moka tša Isiraele,"

¹⁰go tloga ka Noka ya Jorodane thokong ya bohlabatšatši, naga ka moka ya Gileada, ya Bagada le ya Barubeni gotee le ya Bamanase, go tloga Aroere yeo e lego kgauswi le moedi wa mafula wa Arinoni, gaešita le Gileada le Bashani."

¹¹Ge e le ditaba ka moka tša Jehu, tšohle tšeo a di dirilego le tša matla a gagwe ka moka, na ga di a ngwalwa ka pukung ya ditaba tša mehleng ya dikgoši tša Isiraele?"

¹²Mafelelong Jehu a robala le borakgolokhukhu ba gagwe gomme ba mmoloka Samaria; ke moka Jehoahase morwa wa gagwe a buša legatong la gagwe. 36 Nako yeo Jehu a bušitšego Isiraele ka yona a le Samaria e bile nywaga e masomepedi-seswai."

¹³Bjale ge e le Athalia mmago Ahasia, o ile a bona gore morwa wa gagwe o hwile. Ka gona a ema gomme a fediša bana bohle ba leloko la bogoši."

¹⁴Eupša Jehosheba morwedi wa Kgoši Jehorama kgaetšedi ya Ahasia, a utswa Jehoashe morwa wa Ahasia gare ga barwa ba kgoši bao ba bego ba tlo bolawa, yena gotee le moledi wa gagwe, a ba bea ka phapošing ya ka gare ya malao. Ba mo utela Athalia gomme a se ke a bolawa."

¹⁵A dula le yena ntlong ya Jehofa ba khutile ka nywaga e tshelelago, mola Athalia yena a be a buša nageng."

¹⁶Ka ngwaga wa bošupa Jehoyada a romela lentšu, a tšea balaodi ba ba makgolo ba bahlapetši ba Karia le bakitimi, a tla le bona ntlong ya Jehofa gomme a dira kgwerano le bona ke moka a ba enišetša ntlong yeo ya Jehofa, ka morago ga moo a ba bontšha morwa wa kgoši."

¹⁷A ba laela a re: “Se ke seo le tlago go se dira: Karolo ya boraro ya lena e tla tsena ka sabatha ya hlapetša ntlo ya kgoši;"

¹⁸karolo e nngwe ya boraro e be Kgorong ya Motheo, gomme karolo e nngwe ya boraro e be kgorong ya ka morago ga bakitimi; le hlapetšeng ntlo ka go šiedišana."

¹⁹Go be le dihlopha tše pedi mo go lena tšeo ka moka di tšwago ka sabatha, di hlapetše ntlo ya Jehofa bakeng sa kgoši."

²⁰Le dikologe kgoši ka gohle, yo mongwe le yo mongwe a swere dibetša tša gagwe ka seatleng; motho le ge e le ofe yo a tlago mo melokelokeng, a bolawe. Le dule le na le kgoši ge e etšwa le ge e tsena.”"

²¹Balaodi ba ba makgolo ba dira go ya ka tšohle tšeo moperisita Jehoyada a di laetšego. Yo mongwe le yo mongwe a tšea banna ba gagwe bao ba bego ba tsena ka sabatha gotee le bao ba bego ba etšwa ka sabatha, ba tla go moperisita Jehoyada."

²²Bjale moperisita a nea balaodi ba ba makgolo marumo le dikotse tša dinkgokolo tšeo e bego e le tša Kgoši Dafida, tšeo di bego di le ka ntlong ya Jehofa."

²³Mokitimi yo mongwe le yo mongwe a ema a swere dibetša tša gagwe ka seatleng, go tloga ka lehlakoreng le letona la ntlo go ya ka go le letshadi la yona, kgauswi le aletare le kgauswi le ntlo, ka gohle kgauswi le kgoši."

²⁴Ke moka a ntšha morwa wa kgoši a mo rweša kgare gomme hlogong ya gagwe a bea lengwalo la go phuthwa leo le nago le Molao wa Modimo; ba mmea gore e be kgoši ba ba ba mo tlotša. Ba opa magoswi ba re: “Anke kgoši e phele!”"

²⁵Ge Athalia a ekwa lešata la setšhaba ge se kitima, gateetee a tla go setšhaba ntlong ya Jehofa."

²⁶Ke moka a bona kgoši e eme kgauswi le kokwane ya yona bjalo ka mehleng, a bona le dikgošana le diphalafala kgauswi le kgoši, setšhaba ka moka sa mo nageng se thabile e bile se letša diphalafala. Gateetee Athalia a gagola diaparo tša gagwe gomme a lla a re: “Maanomabe! Maanomabe!”"

²⁷Eupša moperisita Jehoyada a laela balaodi ba ba makgolo, bona ba ba kgethilwego ba madira, a re go bona: “Mo tlošeng mo melokelokeng, gomme mang le mang yo a ka mo šalago morago, a bolawe ka tšhoša!” Gobane moperisita o be a itše: “A se ke a bolaelwa ka ntlong ya Jehofa.”"

²⁸Ba mo swara gomme a tla ka tsela ya botseno bjo bo bitšwago kgoro ya pere bja ntlong ya kgoši, ke moka a bolaelwa moo."

²⁹Ke moka Jehoyada a dira kgwerano magareng ga Jehofa, kgoši le setšhaba, gore bona e be setšhaba sa Jehofa; a buša a dira kgwerano magareng ga kgoši le setšhaba."

³⁰Ka morago ga moo setšhaba ka moka sa tla tempeleng ya Baali gomme sa phušola dialetare tša gagwe; sa pšhatlaganya diswantšho tša gagwe, ke moka sa bolaela Matane moperisita wa Baali pele ga dialetare tšeo. Moperisita a bea bahlokomedi gore ba okamele ntlo ya Jehofa."

³¹Go oketša moo, a tšea balaodi ba ba makgolo, bahlapetši ba Karia, bakitimi le setšhaba ka moka sa mo nageng, gore ba theoše kgoši go tšwa ntlong ya Jehofa; ba tla ka tsela ya kgoro ya bakitimi ba ya ntlong ya kgoši; ke moka a dula sedulong sa bogoši sa dikgoši."

³²Setšhaba ka moka sa mo nageng sa thaba; motse wona wa se be le tšhitišo. Athalia yena ba be ba mmolaetše ntlong ya kgoši ka tšhoša."

³³Jehoashe o be a na le nywaga e šupago ge a thoma go buša."

³⁴Jehoashe e bile kgoši ka ngwaga wa bošupa wa pušo ya Jehu, gomme o bušitše Jerusalema ka nywaga e masomenne. Leina la mmagwe e be e le Sibia wa go tšwa Beresheba."

³⁵Jehoashe o ile a dira tše di lokilego mahlong a Jehofa mehleng ka moka ya ge a sa phela ge moperisita Jehoyada a be a mo ruta."

³⁶Mafelo a phagamego ona ga se a ka a fela. Setšhaba se be se sa dutše se dira dihlabelo le go thuntšha muši wa dihlabelo mafelong a phagamego."