2Corinthians 1

¹Bjale ge ke fihla Teroa gore ke bolele ditaba tše dibotse ka Kriste gomme ke bulegetšwe ke mojako modirong wa Morena,"

²moya wa ka o ile wa se imologe ka baka la go se hwetše Tito ngwanešo. Ka gona ke ile ka šadiša barutiwa ba moo gabotse gomme ka tloga ka ya Matsedonia."

³Eupša a go lebogwe Modimo yo ka mehla a re etago pele molokelokeng wa phenyo gotee le Kriste gomme a dira gore ka rena monko wa tsebo ya go mo tseba o hlathege lefelong le lengwe le le lengwe!"

⁴Gobane go Modimo re monko o bose wa Kriste gare ga bao ba tlago go phološwa le gare ga bao ba tlago go fedišwa;"

⁵go bao ba tlago go fedišwa re monkgo o tšwago lehung o išago lehung, go bao ba phološwago re monkgo o tšwago bophelong o išago bophelong. Ke mang yo a swanelegelago dilo tše gabotse?"

⁶Ke rena; gobane ga re babapatši ba lentšu la Modimo go etša ge ba bantši ba le bapatša, eupša re bolela ka potego re le gotee le Kriste, ee, re le bao ba romilwego ke Modimo e bile re bonwa ke Modimo."

⁷Na go sa nyakega gore re itsebiše go lena gape? Goba na rena ka go swana le batho ba bangwe re nyaka mangwalo a go re bolelela a yago go lena goba a tšwago go lena?"

⁸Lena ka noši le lengwalo la rena, leo le ngwadilwego dipelong tša rena leo le tsebjago le go balwa ke batho bohle."

⁹Gobane le bontšha gore le lengwalo la Kriste leo le ngwadilwego ke rena re le badiredi, leo le sa ngwalwago ka enke eupša le ngwadilwe ka moya wa Modimo yo a phelago, e sego diphaphathing tša leswika eupša diphaphathing tša nama, e lego dipelong."

¹⁰Ka Kriste bjale re na le kgodišego ya mohuta wo go Modimo."

¹¹E sego gore rena ka noši re swanelega gabotse go tšea selo le ge e le sefe e le seo se tšwago go rena, eupša go swanelega ga rena go tšwa go Modimo."

¹²Ke yena yo ruri a re dirilego gore re swanelege gabotse go ba badiredi ba kgwerano e mpsha, e sego ba molao o ngwadilwego, eupša ba moya; gobane molao o ngwadilwego o ahlolela lehu, eupša moya o a phediša."

¹³Godimo ga moo, ge e ba molao wo o neago lehu le wo o bego o ngwadilwe ka ditlhaka maswikeng o tšweletše ka letago leo barwa ba Isiraele ba ilego ba se kgone go lebelela sefahlego sa Moshe ka baka la letago la sefahlego sa gagwe, e lego letago leo le bego le tla fedišwa,"

¹⁴ke ka baka la’ng go newa ga moya go sa swanela go ba ka letago le go feta?"

¹⁵Gobane ge e ba molao woo o neago kahlolo e be e le wa letago, gona go newa ga toko e be e tla ba mo go fetišago gakaakang ka letago."

¹⁶Ge e le gabotse, gaešita le seo pele se kilego sa dirwa sa letago se amogilwe letago ka baka la letago leo le le phalago."

¹⁷Gobane ge e ba seo se bego se swanetše go fedišwa se tlišitšwe ka letago, gona seo se šalago e be e tla ba sa letago le legolo kudu."

¹⁸Ka gona ka ge re na le kholofelo e bjalo, re diriša tokologo e kgolo ya go bolela,"

¹⁹re sa dire go etša ge Moshe a be a ikhupetša ka lešira sefahlegong sa gagwe gore bana ba Isiraele ba se bone seo se bego se tla diragalela selo seo se bego se tla fedišwa."

²⁰Eupša menagano ya bona e be e reteditšwe. Gobane le go fihla letšatšing le, lešira lona le le dula le sa apolwa ge go balwa kgwerano ya kgale, gobane e fedišwa feela ka Kriste."

²¹Ge e le gabotse, go ba go fihla le lehono neng le neng ge go balwa mangwalo a Moshe, lešira le apeša dipelo tša bona."

²²Eupša ge motho a retologela go Jehofa, lešira le a tlošwa."

²³Jehofa ke Moya; gomme moo moya wa Jehofa o lego gona, go na le tokologo."

²⁴Ka moka ga rena, ge ka difahlego tše di širolotšwego re bonagatša letago la Jehofa bjalo ka diipone, re fetošetšwa seswantšhong se se swanago go tšwa tekanyong e itšego ya letago go ya go e nngwe, go swana gabotsebotse kamoo go dirwago ke Jehofa, yena Moya."