The Queen of Sheba

¹A ba mmuši wa dikgoši ka moka go tloga ka Noka go theoga go fihla ka naga ya Bafilisita le go theoga go fihla mollwaneng wa Egipita."

²Le gona kgoši ya ba le silifera Jerusalema moo e ilego ya etša maswika ka bontši; ya dira gore kota ya motsedara e be e ntši go etša dihlare tša mesikamore tšeo di lego kua Shefela."

³E bile go be go na le bao ba bego ba tliša dipere go Solomone go tšwa Egipita le dinageng tše dingwe ka moka."

⁴Ge e le ditaba ka moka tša Solomone, tša mathomo le tša mafelelo, a ga di a ngwalwa mantšung a moporofeta Nathane le boporofeteng bja Ahija wa Moshilo gotee le pegong ya dipono tša Ido wa mmoni tša mabapi le Jeroboama morwa wa Nebata?"

⁵Solomone a buša Isiraele ka moka a le Jerusalema ka nywaga e masomenne."

⁶Mafelelong Solomone a robala le borakgolokhukhu ba gagwe. Ke moka ba mmolokela Motseng wa Dafida tatagwe; morwa wa gagwe Rehoboama a buša legatong la gagwe."

⁷Rehoboama a ya Shikeme, ka gobane Baisiraele ka moka ba be ba tlile Shikeme go tlo mo dira kgoši."

⁸Ya re gateetee ge Jeroboama morwa wa Nebata a ekwa ka seo nakong ya ge a be a sa le Egipita, (ka gobane o be a tšhabile kgoši Solomone,) kapejana Jeroboama a boa go tšwa Egipita."

⁹Ka gona ba romela lentšu a bitšwa. Jeroboama le Baisiraele ka moka ba tla ba bolela le Rehoboama ba re:"

¹⁰“Tatago o be a thatafišitše joko ya rena; bjale wena dira gore modiro o thata wa tatago le joko e boima yeo a bego a re rwešitše yona di be bohwefo, gomme re tla go hlankela.”"

¹¹Ge ba re’alo yena a re go bona: “Mpheng matšatši a mararo. Ke moka le boeng go nna.” Ka gona setšhaba sa tloga."

¹²Kgoši Rehoboama a ya go kgopela keletšo go banna ba bagolo bao e bego e le baeletši ba Solomone tatagwe nakong ya ge a be a sa phela, a re: “Le ka nkeletša gore ke arabe setšhaba se ke re’ng?”"

¹³Ba bolela le yena ba re: “Ge o ka swara setšhaba se gabotse, wa se kgahliša wa ba wa se botša mantšu a mabotse, gona sona e tla ba bahlanka ba gago ka mehla.”"

¹⁴Eupša o ile a tlogela keletšo yeo banna ba bagolo ba bego ba mo eleditše ka yona, a yo nyaka keletšo go masogana ao a gotšego le ona, ao a bego a mo eletša."

¹⁵A bolela le ona a re: “Le ka nkeletša gore re arabe setšhaba se re re’ng? Sona se boletše le nna, sa re: ‘Dira gore joko e boima yeo tatago a bego a re rwešitše yona e be bohwefo.’”"

¹⁶Ke moka masogana ao a gotšego le yena a mmotša a re: “Se ke seo o swanetšego go se botša setšhaba seo se boletšego le wena sa re: ‘Tatago o be a thatafišitše joko ya rena, eupša wena dira gore e be bohwefo ge re e rwele’; se botše o re: ‘Monwana wa ka o monyenyane o tlo feta matheka a tate ka bokoto."

¹⁷Tate yena o be a le rwešitše joko e boima, eupša nna ke tla oketša boima bja joko ya lena. Tate yena o be a le itia ka dikgati, eupša nna ke tla le itia ka difepi tše di nago le dintlhana.’”"

¹⁸Jeroboama le setšhaba ka moka ba tla go Rehoboama letšatšing la boraro, feela bjalo ka ge kgoši e be e ba boditše ya re: “Boang go nna letšatšing la boraro.”"

¹⁹Ke moka kgoši ya ba araba ka bogale. Ka go re’alo Kgoši Rehoboama a tlogela keletšo ya banna ba bagolo,"

²⁰a bolela le bona go ya ka keletšo ya masogana ale, a re: “Ke tla dira gore joko ya lena e be boima kudu, e bile nna ke tla oketša boima bja yona. Tate yena o be a le itia ka dikgati, eupša nna ke tla le itia ka difepi tše di nago le dintlhana.”"

²¹Kgoši ya se ke ya theetša setšhaba; gobane yeo e bile phetogo ya ditaba go tšwa go Modimo wa therešo e le gore yena Jehofa a phethe lentšu la gagwe leo a le boletšego ka Ahija wa Moshilo a le botša Jeroboama morwa wa Nebata."

²²Ka baka la ge kgoši e se ya theetša Baisiraele, setšhaba ka moka sa araba kgoši sa re: “Re na le kabelo efe go Dafida? Ga go na bohwa go morwa wa Jese. Wena Isiraele, yo mongwe le yo mongwe a a ye go medimo ya gagwe! Bjale wena Dafida, šetša ntlo ya gago.” Ka go re’alo Baisiraele ka moka ba ya ditenteng tša bona."

²³Ge e le bana ba Isiraele bao ba bego ba dula metseng ya Juda, ba ile ba bušwa ke Rehoboama."

²⁴Ka gona Kgoši Rehoboama a roma Hadorama yoo a bego a laola bao ba bego ba ngwadišeditšwe mošomo wa kgapeletšo, a mo roma go bana ba Isiraele, eupša bona ba mo kgatla ka maswika gomme a hwa. Kgoši Rehoboama yena a kgona go namela koloi ya gagwe a tšhabela Jerusalema."

²⁵Ka gona Baisiraele ba tsogela ba ntlo ya Dafida matla go ba go fihla le lehono le."

²⁶Ge Rehoboama a fihla Jerusalema, gateetee o ile a kgoboketša ba ntlo ya Juda le Benjamini, e lego bagale ba dikete tše lekgolo-masomeseswai (180 000) bao ba bego ba ka ya ntweng, gore ba yo lwa le Isiraele e le gore ba bušetše mmušo go Rehoboama."

²⁷Ke moka lentšu la Jehofa la tlela Shemaya monna wa Modimo wa therešo la re:"

²⁸“Bolela le Rehoboama morwa wa Solomone kgoši ya Juda, le Isiraele ka moka kua nageng ya Juda le Benjamini, o re:"

²⁹‘Se ke seo Jehofa a se boletšego: “Le se ke la rotoga la yo lwa le bana babo lena. Yo mongwe le yo mongwe a a boele gae, gobane selo se se diregile ka baka la ka.”’” Ka gona ba kwa lentšu la Jehofa gomme ba goma ba se sa yo lwa le Jeroboama."

³⁰Rehoboama a dula Jerusalema gomme a aga metse e šireleditšwego moo Juda."

³¹A tsošološa Betlelehema, Etama, Thekoa,"