Jotham's Reign

¹Le gona Baedomo ba ile ba tla gomme ba fenya Juda ba ba ba tšea ba bangwe ba ba iša bothopša."

²Ge e le Bafilisita bona, ba ile ba hlasela metse ya Shefela le ya Negebe ya Juda gomme ba thopa Bethe-shemeshe, Ajaloni, Gederothe gotee le Soko le metse ya yona yeo e e dikologilego, Thimina le metse ya yona yeo e e dikologilego le Gimitso le metse ya yona yeo e e dikologilego; ke moka ba dula moo."

³Gobane Jehofa o ile a kokobetša Juda ka baka la Ahasi kgoši ya Isiraele, ka ge a ile a tlogela tlhakatlhakano e gola Juda, gomme go se botegele Jehofa gwa ata."

⁴Mafelelong Tiligathe-pilenesere kgoši ya Asiria o ile a tla go lwa le yena, a mo tlaiša gomme a se mo matlafatše."

⁵Gobane Ahasi o be a tšere dilo tša ntlong ya Jehofa le tša ntlong ya kgoši le ya dikgošana gomme a di nea kgoši ya Asiria e le dimpho; eupša seo ga se sa ka sa mo thuša."

⁶Le gona, nakong ya ge a be a mo tlaiša, Kgoši Ahasi o ile a se botegele Jehofa le go feta."

⁷A direla medimo ya Damaseko dihlabelo, yona yeo e bego e mo otla, gomme a re: “Ka ge medimo ya dikgoši tša Siria e di thuša, gona ke tla e direla dihlabelo gore e nthuše.” Ke yona e ilego ya bakela yena le Isiraele ka moka gore ba kgopše."

⁸Le gona, Ahasi o ile a kgobokanya dibjana tša ntlo ya Modimo wa therešo ke moka a pšhatlaganya dibjana tšeo tša ntlo ya Modimo wa therešo, a tswalela mejako ya ntlo ya Jehofa, a ba a itirela dialetare sekhutlong se sengwe le se sengwe Jerusalema."

⁹Ke moka mo metseng ka moka, gaešita le metseng ya Juda, o ile a dira mafelo a phagamego a go thuntšhetša medimo e šele muši wa dihlabelo, moo a ilego a kgopiša Jehofa Modimo wa borakgolokhukhu ba gagwe."