1Timothy 2

¹gobane se kgethagaditšwe ka lentšu la Modimo le ka go se rapelela."

²Ka go nea bana babo rena dikeletšo tše o tla ba modiredi yo mobotse wa Kriste Jesu, yo a fepšago ka mantšu a tumelo le a thuto e botse yeo o e latetšego kgauswi."

³Eupša gana dikanegelo tša maaka tšeo di senyago seo e lego se sekgethwa tšeo di anegwago ke bakgekolo. Ka lehlakoreng le lengwe, o itlwaetše gomme pakane ya gago e be go bontšha boineelo go Modimo."

⁴Gobane go tlwaetša mmele go hola ganyenyane; eupša boineelo go Modimo bo hola dilong tšohle, ka ge bo na le kholofetšo ya bophelo bja gona bjale le bja nakong e tlago."

⁵Taba yeo e a botega gomme e swanelwa ke go amogelwa ka botlalo."

⁶Gobane re šoma ka thata le go katana gore re fihlelele se, gobane re beile kholofelo ya rena go Modimo yo a phelago, yo e lego Mophološi wa mehuta yohle ya batho, kudukudu ba ba botegago."

⁷Tšwela pele o nea ditaelo tše gomme o di ruta."

⁸Anke go se be le motho yo a nyatšago bofsa bja gago. Ka mo go fapanego, go ba botegago eba mohlala go boleleng, boitshwarong, leratong, tumelong le tshekegong."

⁹Ge ke dutše ke etla, tšwela pele o ikgafela go baleng phatlalatša, go eletšeng le go ruteng."

¹⁰O se ke wa hlokomologa mpho yeo e lego go wena, yeo o e neilwego ka go porofetwa ge sehlopha sa bagolo se be se go bea diatla."

¹¹Eleletša ka dilo tše; nwelela go tšona, gore tšwelopele ya gago e bonagale go batho bohle."

¹²O itlhokomele ka mehla, o hlokomele le go ruta ga gago. Dula dilong tše, gobane ka go dira se o tla iphološa wa ba wa phološa bao ba go theetšago."

¹³Monna yo mogolo o se ke wa mo kgalema ka matla. Go fapana le seo, o mo lope bjalo ka tate, banna ba bafsa bjalo ka bana beno,"

¹⁴basadi ba bagolo bjalo ka bomma, basadi ba bafsa bjalo ka dikgaetšedi ka tshekego yohle."

¹⁵Hlokomela bahlologadi bao ba hlokago thušo e le ka kgonthe."