1Timothy 1

¹Polelo ye e a botega: Ge e ba motho le ge e le ofe a katanela go fihlelela bolebeledi, o kganyoga modiro o mobotse."

²Ka gona molebeledi o swanetše go hloka bosodi, e be monna wa mosadi o tee, yo a lekanetšego mekgweng, yo a hlaphogetšwego monaganong, yo a nago le thulaganyo, yo a amogelago baeng, yo a swanelegelago go ruta,"

³e sego setagwa, e sego yo šoro, eupša e be yo a lekalekanego, e sego ntwadumela, e sego morati wa tšhelete,"

⁴e be motho yo a okamelago ba lapa la gagwe ka mokgwa o mobotse, a na le bana ba ikokobetšago bao ba sa tšeego dilo gabohwefo le gatee;"

⁵(ge e ba ruri motho a sa kgone go okamela ba lapa la gagwe, o tla hlokomela bjang phuthego ya Modimo?)"

⁶e sego motho yo a sa tšwago go sokologa, e se re mohlomongwe a ikgogomoša ka boikgantšho gomme a ahlolwa go etša kamoo Diabolo a ahlotšwego ka gona."

⁷Go feta moo, gape o swanetše go hlatselwa gabotse ke batho ba ka ntle ga phuthego, e le gore a se wele kgobogong le molabeng wa Diabolo."

⁸Bahlanka ba bodiredi ka mo go swanago ba swanetše go ba šedi, e se be ba temepedi, ba se ke ba ineela beineng e ntši, e se be bao ka megabaru ba nyakago ditsela tša go ikhola,"

⁹e be bao ba swarago sephiri se sekgethwa sa tumelo ka letswalo le le hlwekilego."

¹⁰Gape, a ba ke ba lekolwe pele mabapi le ge e ba ba swanelega, ke moka ba hlankele e le badiredi, ge go se na se ba latofatšwago ka sona."

¹¹Ka mo go swanago, basadi ba swanetše go ba šedi, e se be bathomeletši, e be ba lekanetšego mekgweng le ba botegago dilong tšohle."

¹²Bahlanka ba bodiredi e be banna ba nago le mosadi o tee, ba okamelago bana le ba ntlo ya bona ka mokgwa o mobotse."

¹³Gobane banna bao ba hlankelago ka mokgwa o mobotse ba ikhweletša botumo bjo bobotse le tokologo e kgolo ya polelo tumelong ya mabapi le Kriste Jesu."

¹⁴Ke go ngwalela dilo tše, gaešita le ge ke holofetše go tla go wena kgauswinyane,"

¹⁵e le gore ge e ba nka diega, o tsebe kamoo o swanetšego go itshwara ka gona ka ntlong ya Modimo, yeo e lego phuthego ya Modimo yo a phelago, kokwane le sethekgo sa therešo."

¹⁶Ka kgonthe sephiri se sekgethwa sa boineelo bjo go Modimo ka ntle le pelaelo ke se segolo. Ke sa gore: ‘O bonagaditšwe nameng, gwa bolelwa gore o lokile ge a be a fetoga sebopiwa sa moya, a iponagatša go barongwa, a bolelwa gare ga ditšhaba, a dumelwa lefaseng gomme a amogelwa letagong.’"

¹⁷Lega go le bjalo, mantšu a buduletšwego a bolela gabotse gore dinakong tše di tlago ba bangwe ba tla wa tumelong, ba ela hloko mantšu a timetšago ao a bonagalago eka a tšwa go Modimo, gotee le dithuto tša batemona,"

¹⁸tše di tlago ka boikaketši bja batho bao ba bolelago maaka, bao matswalo a bona a retetšego mo e kego ke letlalo leo le fišitšwego ka tšhipi ya go fišeletša."

¹⁹Ba tla iletša batho go nyala, ba laela gore ba ile dijo tšeo Modimo a di bopetšego gore di lewe ka tebogo ke bao ba nago le tumelo gomme ba tseba therešo ka mo go nepagetšego."

²⁰Gobane tlholo e nngwe le e nngwe ya Modimo ke e botse gomme ga go na seo se swanetšego go ganwa ge e ba se amogelwa ka tebogo,"