David at Ziklag

¹Dafida a re go moperisita Abiathara, morwa wa Ahimeleke: “Hle ntlišetše efoda.” Ke moka Abiathara a tliša efoda go Dafida."

²Dafida a botšiša Jehofa a re: “Na nka rakediša bahlasedi ba? Na ke tla ba swara?” Modimo a re go yena: “Ba rakediše, ka gobane o tla ba swara gomme wa thopolla tšeo di thopilwego.”"

³Kapejana Dafida le banna ba makgolotshela bao ba bego ba na le yena ba wela tsela, ba sepela ba fihla moeding wa mafula wa Besora gomme banna ba bangwe ba šala moo."

⁴Dafida le banna ba makgolonne ba rakediša bahlasedi, eupša banna ba makgolopedi bao ba bego ba lapile gore ba ka tshela moeding wa mafula wa Besora ba šala moo."

⁵Ba hwetša monna wa Moegipita kua nageng. Ba mo iša go Dafida gomme ba mo nea senkgwa gore a je le meetse gore a nwe."

⁶Ba mo nea le sephatlwana sa senkgwa sa makwapi a mago le dinkgwa tše pedi tša makwapi a morara. A ja gomme a ba le matla; o be a tšere matšatši a mararo le mašego a ona a sa je senkgwa goba go nwa meetse."

⁷Dafida a re go yena: “O wa mang le gona o tšwa kae?” Yena a re: “Ke mohlanka wa Moegipita, lekgoba la monna wa Moamaleke, eupša mong wa ka o ntlogetše gobane ke be ke babja matšatšing a mararo a fetilego."

⁸Ke rena re hlasetšego ka borwa bja Bakereta le nageng ya Juda gotee le ka borwa bja Kalebe; Tsikilaga ra e fiša ka mollo.”"

⁹Dafida a re go yena: “Na o tla nkiša go bahlasedi bao?” Monna yoo a re: “Nkenele ka Modimo gore o ka se mpolaye le gore o ka se nkgafele seatleng sa mong wa ka, ke moo ke tlago go go iša go bahlasedi bao.”"

¹⁰Ke moka a mo iša go bahlasedi bao, ba be ba gašagane nageng ka moka ba eja le go nwa ba bile ba dirile monyanya ka baka la dithebola tše dintši tšeo ba di thopilego nageng ya Bafilisita le nageng ya Juda."

¹¹Dafida a ba bolaya go tloga ka mahube go fihla mantšiboa gore a ba fediše; gwa se phonyokge le o tee wa bona ge e se feela masogana a makgolonne ao a ilego a tšhaba a nametše dikamela."

¹²Dafida a tšea dilo ka moka tšeo Baamaleke ba bego ba di tšere, a hlakodiša le basadi ba gagwe ba babedi."

¹³A tšea tšohle tšeo ba bego ba di thopile, go tloga ka tše dinyenyane go fihla ka tše dikgolo le barwa le barwedi le dithebola, dilo tšohle tšeo ba bego ba di thopile. Dafida a di tšea ka moka."

¹⁴Dafida a tšea mehlape ka moka ya dihuswane le ya dikgomo, ba e gapa gotee le mehlape e mengwe. Ke moka ba re: “Tše ke tšeo di thopilwego ke Dafida.”"

¹⁵Dafida a fihla go banna ba makgolopedi bao ba bego ba lapile kudu gore ba ka sepela le yena, bao ba bego ba šetše moeding wa mafula wa Besora; ba tla go tlo gahlanetša Dafida le batho bao ba bego ba na le yena. Ge Dafida a fihla go bona a ba botšiša gore ba šetše bjang."

¹⁶Lega go le bjalo, banna ba babe le bao e sego ba selo go banna bao ba sepetšego le Dafida ba re: “Ka ge ba se ba sepela le rena, ga go dithebola tšeo re tlago go ba nea tšona tšeo re di thopilego, eupša yo mongwe le yo mongwe re tla mo nea feela mosadi wa gagwe le barwa ba gagwe gore ba sepele le bona.”"

¹⁷Dafida a re: “Bana bešo, le se ke la dira bjalo ka seo Jehofa a re neilego sona, ka ge a re šireleditše gomme a gafela bahlasedi bao ba bego ba elwa le rena ka diatleng tša rena."

¹⁸Ke mang yo a tlago go le theetša ka taba ye? Seo se tlago go hwetšwa ke yo a tšwago ntweng se tla hwetšwa le ke yoo a šetšego le merwalo. Ka moka ga bona ba tla hwetša se itšego.”"

¹⁹Go tloga letšatšing leo go ya pele a dira taba yeo gore e be molao le moahlolelo wa Isiraele go ba go fihla letšatšing le."

²⁰Ge Dafida a fihla Tsikilaga a romela tše dingwe tša dithebola go banna ba bagolo ba Juda, bagwera ba gagwe, a re: “Še mpho ya lena ya tšhegofatšo yeo e tšwago ditheboleng tša manaba a Jehofa.”"

²¹A di romela go bao ba lego Bethele, bao ba lego Ramothe ya ka borwa, bao ba lego Jathiri,"

²²bao ba lego Aroere, bao ba lego Shifimothe, bao ba lego Eshithemoa,"

²³bao ba lego Rakale, bao ba lego metseng ya Bajerahamiele, bao ba lego metseng ya Bakeni,"

²⁴bao ba lego Horoma, bao ba lego Borashane, bao ba lego Athaka, 31 le bao ba lego Heburone gotee le mafelong ka moka ao Dafida le banna ba gagwe ba sepetšego go wona."

²⁵Bafilisita bona ba ile ba lwa le Isiraele gomme banna ba Isiraele ba tšhaba pele ga Bafilisita ba ba ba hwa ka sehlogo kua Thabeng ya Giliboa."

²⁶Bafilisita ba hlomarela Saulo le barwa ba gagwe; Bafilisita ba bolaya Jonathane, Abinadaba le Malaki-shua, e lego barwa ba Saulo."

²⁷Ntwa e ile ya thatafalela Saulo; mafelelong babetši ba bora ba mo hwetša ke moka ba mo gobatša o šoro."

²⁸Saulo a botša morwadi wa dibetša tša gagwe a re: “Khwamola tšhoša ya gago o mphuleletše ka yona, gore banna ba ba go se bolle ba se re go tla mo ba mphuleletša ka tšhoša ba nkgoboša.” Morwadi wa dibetša tša gagwe yena o be a sa nyake go dira seo ka gobane o be a boifa o šoro. Ka gona Saulo a tšea tšhoša a wela godimo ga yona."

²⁹Ge morwadi wa dibetša tša Saulo a bona gore o hwile, le yena a wela godimo ga tšhoša ya gagwe gomme a hwa gotee le yena."

³⁰Ke kamoo Saulo le barwa ba gagwe ba bararo le morwadi wa dibetša tša gagwe gotee le banna ba gagwe ka moka ba hwilego ka gona letšatšing leo."

³¹Ge banna ba Isiraele bao ba bego ba le moeding le bao ba bego ba le seleteng sa Noka ya Jorodane ba bona gore madira a tšhabile le gore Saulo le barwa ba gagwe ba hwile, ba ile ba tlogela metse ya bona gomme ba tšhaba; ka morago ga moo Bafilisita ba tla ba dula go yona."