David at Adullam; Doeg's Slaughter

¹Saulo a re go bahlanka ba gagwe bao ba bego ba eme kgauswi le yena: “Hle, theetšang lena Babenjamini. Na morwa wa Jese le yena a ka nea lena ka moka mašemo le dirapa tša merara? Na a ka bea lena ka moka go ba balaodi ba ba dikete le balaodi ba ba makgolo?"

²Gobane ka moka ga lena le ntogetše maanomabe; ga go yo a ntomago tsebe ge morwa wa ka a dira kgwerano le morwa wa Jese, e bile ga go yo a nkwelago bohloko a mpotša gore morwa wa ka o dirile gore mohlanka wa ka a ntsogele matla ka go ntalela ka ge go le bjalo lehono.”"

³Doege wa Moedomo ka ge a be a beilwe e le yo mogolo go bahlanka ba Saulo, o ile a re: “Ke bone morwa wa Jese a etla Nobe go Ahimeleke morwa wa Ahitubo."

⁴Ahimeleke a kgopelela Dafida go Jehofa; a mo nea dijo le tšhoša ya Goliata Mofilisita.”"

⁵Gateetee kgoši ya roma motho a yo bitša Ahimeleke morwa wa moperisita Ahitubo le ba ntlo ya tatagwe ka moka gotee le baperisita bao ba bego ba le Nobe. Ka moka ga bona ba tla go kgoši."

⁶Saulo a re: “Theetša hle wena morwa wa Ahitubo!” Yena a re: “Ke theeditše, mong wa ka.”"

⁷Saulo a re go yena: “Go re’ng le ntogetše maanomabe, wena le morwa wa Jese ka go mo nea senkgwa le tšhoša gotee le go mo kgopelela go Modimo, gore le ntsogele matla ka go ntalela ka ge go le bjalo lehono?”"

⁸Ahimeleke a araba kgoši a re: “Ke mang yo a swanago le Dafida gare ga bahlanka ba gago ka moka ka go botega, ka go ba mokgonyana wa kgoši le ka go ba molaodi wa bahlapetši gotee le ka go hlompšha ntlong ya gago?"

⁹Na ke thomile lehono go mo kgopelela go Modimo? Nna ke be nka se ke ka go logela maanomabe. Anke kgoši e se ke ya galefela nna mohlanka wa yona le ba ntlo ya tate, ka gobane mohlanka wa gago o be a sa tsebe selo le gatee ka taba yeo.”"

¹⁰Kgoši ya re: “Ahimeleke, o tlo hwa lehu, wena le ba ntlo ya tatago ka moka.”"

¹¹Ke moka kgoši ya re go bakitimi bao ba emego le yona: “Retologang le bolaye baperisita ba Jehofa ka ge seatla sa bona se eme le sa Dafida, le ka ge ba be ba tseba gore o tšhabile gomme ba se ke ba ntoma tsebe.” Bahlanka ba kgoši ba se ke ba nyaka go iša diatla tša bona gore ba bolaye baperisita ba Jehofa."

¹²Mafelelong kgoši ya re go Doege: “Wena retologa o bolaye baperisita!” Gateetee Doege wa Moedomo a retologa a hlasela baperisita gomme letšatšing leo a bolaya banna ba masomeseswai-hlano bao ba aperego efoda ya lešela la linene."

¹³Le ba Nobe motseng wa baperisita a ba bolaya ka bogale bja tšhoša, a bolaya banna gotee le basadi, bana gotee le ba ba amušwago, a bolaya le dipoo, dipokolo le dinku."

¹⁴Lega go le bjalo, morwa yo mongwe wa Ahimeleke morwa wa Ahitubo, yo leina la gagwe e bego e le Abiathara a phonyokga gomme a tšhaba a latela Dafida."

¹⁵Abiathara a botša Dafida a re: “Saulo o bolaile baperisita ba Jehofa.”"

¹⁶Dafida a re go Abiathara: “Ke ile ka tseba gabotse letšatšing lela gore Doege wa Moedomo ka ge a be a le moo, o tlo botša Saulo. Nna ke fošeditše meoya ka moka ya ntlo ya tatago."

¹⁷Wena dula le nna. O se ke wa boifa, ka gobane yo a tsomago moya wa gago o tsoma le wa ka gomme nna ke tla go šireletša.”"

¹⁸Ba tla ba begela Dafida ba re: “Bafilisita šeba ba lwa le Keila, ba thopa diboa.”"

¹⁹Dafida a botšiša Jehofa a re: “Na ke ye ke yo bolaya Bafilisita ba?” Jehofa yena a re go Dafida: “Sepela o yo bolaya Bafilisita gomme o phološe Keila.”"

²⁰Banna ba Dafida ba re go yena: “Bona! Re boifa re sa le mo Juda, gona re tla boifa gakaakang ge go ka direga gore re ye Keila go yo lwa le madira a Bafilisita!”"

²¹Dafida a buša a botšiša Jehofa. Jehofa a mo araba a re: “Tsoga, o theogele kua Keila, ka gobane ke gafela Bafilisita seatleng sa gago.”"

²²Dafida a ya Keila le banna ba gagwe gomme ba lwa le Bafilisita, a thopa diruiwa tša bona, eupša bona a ba bolaya ka bontši; Dafida a ba mophološi wa badudi ba Keila."

²³Ya re ge Abiathara morwa wa Ahimeleke a tšhabela go Dafida kua Keila, a wa a swere efoda ka seatleng."