1Peter 4

¹gobane ka matla a gagwe a bomodimo re neilwe dilo tšohle tše di nyakegago gore re phele bophelo bja boineelo go Modimo ka tsebo e nepagetšego ya yo a re biditšego ka letago le bokwala."

²Ka dilo tše o re neile dikholofetšo tše bohlokwa le tše dikgolo kudu, gore ka tšona le be le dika tša Modimo, ka ge le phonyokgile kgobogo ya lefase yeo e tšweletšwago ke kganyogo e sa laolegego."

³Ka lona lebaka le, dirang boiteko bjohle bjo matla gore tumelong ya lena le oketšeng bokwala, bokwaleng bja lena le oketše tsebo,"

⁴tsebong ya lena le oketše boitshwaro, boitshwarong bja lena le oketše kgotlelelo, kgotlelelong ya lena le oketše boineelo go Modimo,"

⁵boineelong bja lena go Modimo le oketše borutho bja borwarre gomme boruthong bja lena bja borwarre le oketše lerato."

⁶Gobane ge dilo tše di le gona go lena di bile di falala, di tla le thibela gore le se ke la ba ba sa šomego goba ba sa enywego mabapi le tsebo e nepagetšego ya go tseba Morena wa rena Jesu Kriste."

⁷Gobane ge e ba dilo tše di se gona mothong, gona o foufetše, o ponyeditše seetša mahlo gomme o lebetše gore o hlwekišitšwe dibeng tša gagwe tša kgalekgale."

⁸Ka lebaka le bana bešo, dirang sohle se le ka se kgonago gore le kgonthišetše go bitšwa le go kgethwa ga lena; gobane ge e ba le tšwela pele le dira dilo tše, gona le ka se ke la palelwa le ka mohla."

⁹Ge e le gabotse, ka yona tsela ye le tla abelwa ka mo go humilego go tsena mmušong o sa felego wa Morena le Mophološi wa rena Jesu Kriste."

¹⁰Ka lebaka le ke tla ikemišetša ka mehla go le gopotša dilo tše, gaešita le ge le di tseba le bile le tieletše therešong yeo e lego gona ka go lena."

¹¹Eupša ke bona go lokile gore ge feela ke sa le mo mmeleng wo wa ka wo o etšago taberenakele, ke le phafoše ka dikgopotšo,"

¹²ka ge ke tseba gore taberenakele ya ka e kgauswi le go tlošwa, go etša ge Morena wa rena Jesu Kriste le yena a mpoditše."

¹³Ka gona ka mehla ke tla dira sohle se nka se kgonago e le gore ka morago ga ge ke tlogile, le kgone go ikgopotša dilo tše."

¹⁴Aowa, ga se ra le tsebiša matla le go ba gona ga Morena wa rena Jesu Kriste ka go latela dikanegelo tša maaka tšeo di hlamilwego ka bokgoni, eupša e bile ka go ba dihlatse tše di bonego ka mahlo tša bogolo bja gagwe bjo bogolo kudu."

¹⁵Gobane o amogetše kgodišo le letago go Modimo Tate, ge mantšu a go swana le a a be a lebišwa go yena ka letago le legolo a re: “Yo ke morwa wa ka, morategi, yo nna ka noši ke kgahlwago ke yena.”"

¹⁶Ee, mantšu a re a kwele a etšwa legodimong ge re be re na le yena thabeng e kgethwa."

¹⁷Ka baka leo, re kgonthišeditšwe ka matla lentšu la boporofeta; le dira gabotse ge le le ela hloko go etša lebone le le bonegilego lefelong la leswiswi, (go fihla ge go esa gomme naledi ya mosegare e hlaba) dipelong tša lena."

¹⁸Gobane sa pele le tseba gore ga go boporofeta bja Lengwalo bjo bo tšwago tlhathollong le ge e le efe ya motho."

¹⁹Gobane boporofeta ga se bja ka bja tlišwa ke go rata ga motho, eupša batho ba boletše se se tšwago go Modimo ge ba be ba šušumetšwa ke moya o mokgethwa."