1Peter 3

¹Ge e ba le gobošwa ka baka la leina la Kriste, le a thaba, gobane moya wa letago, wona moya wa Modimo, o godimo ga lena."

²Lega go le bjalo, a go se be le motho go lena yo a tlaišegago e le mmolai goba lehodu goba modirabobe goba e le mpheane ditabeng tša batho ba bangwe."

³Eupša ge e ba motho le ge e le ofe a tlaišega gobane e le Mokriste, a se ke a hlabja ke dihlong, eupša a tšwele pele go reta Modimo ka go phela ka go dumelelana le leina le."

⁴Gobane ke nako e beilwego ya gore kahlolo e thome ka ntlo ya Modimo. Bjale ge e ba e thoma ka rena pele, pheletšo ya bao ba sa kwego ditaba tše dibotse tša Modimo e tla ba eng?"

⁵“Ge e ba moloki a swanetše go šoma ka thata gore a phološwe ke Modimo, gona go tla direga eng ka motho yo a sa boifego Modimo le modiradibe?”"

⁶Ka gona anke bao ba tlaišegago ka go dumelelana le thato ya Modimo ba tšwele pele ba gafela Mmopi yo a botegago meoya ya bona ge ba dutše ba dira botse."

⁷Ka gona, ka ge ke le mogologotee le bao ba lego gare ga lena, ke le hlatse ya ditlaišego tša Kriste, e bile ke na le kabelo letagong le le tlago go utollwa, ke kgopela bagolo bao ba lego gare ga lena, ke re:"

⁸Dišang mohlape wa Modimo woo le o hlokometšego, e sego ka go gapeletšwa, eupša e be ka go rata; le gona e se be ka go rata leruo la go se botege, eupša e be ka go fišega;"

⁹gape e se be ka go buša bao e lego bohwa bja Modimo, eupša e be ka go ba mehlala go mohlape."

¹⁰Ge modiši yo mogolo a bonagaditšwe, le tla amogela mphapahlogo wo o sa onalego wa letago."

¹¹Ka mokgwa o swanago, lena banna ba bafsa, ikokobeletšeng banna ba bagolo. Eupša ka moka ga lena ikapešeng boikokobetšo ge le dirišana, gobane Modimo o lwa le baikgogomoši, eupša o bontšha baikokobetši botho bja gagwe bjo bogolo."

¹²Ka baka leo, ikokobetšeng tlase ga seatla se matla sa Modimo gore a le godiše nakong e swanetšego;"

¹³ge le dutše le lahlela dipelaelo tša lena ka moka go yena, gobane o a le hlokomela."

¹⁴Dulang le hlaphogetšwe, le phakgame. Lenaba la lena Diabolo o sepelasepela go swana le tau e rorago, a nyaka yo a kago go mo metša."

¹⁵Eupša emeletšanang le yena le tiile tumelong, le tseba gore ditlaišego tše di swanago di kgotlelelwa ke ba bangwe mokgatlong ka moka wa bana babo lena lefaseng."

¹⁶Eupša ka morago ga ge le tlaišegile ka lebakanyana, Modimo wa botho bjohle bjo bogolo, yo a le bileditšego letagong la gagwe le le sa felego boteeng le Kriste, o tla fetša go tlwaetšwa ga lena, o tla le tiiša, o tla le matlafatša."

¹⁷Matla a e be a gagwe go ya go ile. Amene."

¹⁸Ke le ngwaletše mantšu a sego kae ka Silibano ngwanabo rena yo ke mo tšeago e le yo a botegago, e le gore ke le nee kgothatšo le bohlatse bjo matla bja gore bjo ke botho bjo bogolo bja therešo bja Modimo. Emang le tiile go bjona."

¹⁹Yo a lego Babilona, mohlaolwa go swana le lena, o a le dumediša, le Mareka morwa wa ka o a le dumediša."

²⁰Dumedišanang ka katlo ya lerato. Eka ka moka ga lena bao le lego barutiwa ba Kriste le ka ba le khutšo."

²¹Nna Simone Petro mohlanka le moapostola wa Jesu Kriste, ke ngwalela bao ba hweditšego tumelo yeo e lego bohlokwa go swana le ya rena ka toko ya Modimo wa rena le Mophološi Jesu Kriste, ke re:"

²²Eka le ka okeletšwa botho bjo bogolo bja Modimo le khutšo ka tsebo e nepagetšego ya go tseba Modimo le Jesu Morena wa rena,"