Naboth's Vineyard

¹Motho le ge e le ofe wa Ahaba yo a tlago go hwela motseng o tla jewa ke dimpša; motho le ge e le ofe yo a tlago go hwela nageng o tla jewa ke dinonyana tša magodimong."

²Ruri ga se gwa ka gwa ba le motho yo a swanago le Ahaba, yoo a ilego a ikemišetša go dira tše mpe mahlong a Jehofa le yoo Isebele mosadi wa gagwe a ilego a mo tutueletša go dira bjalo."

³A dira dilo tše di šišimišago kudu ka go latela medingwana yeo e šišimišago, go etša kamoo Baamore ka moka ba dirilego ka gona, bona bao Jehofa a ilego a ba raka pele ga bana ba Isiraele.’”"

⁴Ya re gateetee ge Ahaba a ekwa mantšu ao, a gagola diaparo tša gagwe a apara mokotla; ke moka a ikona dijo, a robala a apere mokotla gomme a sepela a nyemile moko."

⁵Lentšu la Jehofa la tlela Eliya wa Mothishibe, la re:"

⁶“Na o bone kamoo Ahaba a ikokobeditšego ka gona ka pele ga ka? Ka baka la ge a ile a ikokobetša ka baka la ka, nka se tliše bošula mehleng ya gagwe. Ke tla tlišetša ba ntlo ya gagwe bošula mehleng ya morwa wa gagwe.”"

⁷Siria le Isiraele tša fetša nywaga e meraro di sa lwe."

⁸Ngwageng wa boraro, Jehoshafate kgoši ya Juda a theogela go kgoši ya Isiraele."

⁹Ke moka kgoši ya Isiraele ya re go bahlanka ba yona: “Na le a tseba gore Ramothe-gileada ke ya rena? Eupša re dikadika go e tšea seatleng sa kgoši ya Siria.”"

¹⁰Ya bolela le Jehoshafate ya re: “Na o tla ya le nna ntweng Ramothe-gileada?” Ge a re’alo Jehoshafate a re go kgoši ya Isiraele: “Nna le wena re selo setee. Setšhaba sa ka ke selo setee le setšhaba sa gago. Dipere tša ka ke selo setee le dipere tša gago.”"

¹¹Eupša Jehoshafate a botša kgoši ya Isiraele a re: “Hle botšiša pele gore o kwe lentšu la Jehofa.”"

¹²Kgoši ya Isiraele ya kgoboketša baporofeta, e lego banna ba e ka bago ba makgolonne, ya re go bona: “Na ke yo lwa le Ramothe-gileada ntweng goba na ke tlogele?” Bona ba re: “Rotoga, gomme Jehofa o tla e gafela seatleng sa gago, wena kgoši.”"

¹³Eupša Jehoshafate a re: “Na go sa na le moporofeta wa Jehofa mo? Gona a re botšišeng Modimo ka yena.”"

¹⁴Ge a re’alo kgoši ya Isiraele ya re go Jehoshafate: “Go sa na le monna o tee yo le ka mo dirišago go botšiša Jehofa; eupša ge e le nna ke mo hloile ka gobane ga a porofete tše botse ka nna, eupša o porofeta tše mpe ka nna—yena ke Mikaya morwa wa Imila.” Eupša Jehoshafate a re: “Anke kgoši e se bolele bjalo.”"

¹⁵Ke moka kgoši ya Isiraele ya bitša mohlankedi yo mongwe wa kgoro ya re: “Tliša Mikaya morwa wa Imila ka go akgofa.”"

¹⁶Ge e le kgoši ya Isiraele le Jehoshafate kgoši ya Juda, yo mongwe le yo mongwe wa bona o be a dutše sedulong sa gagwe sa bogoši a apere diaparo tša bogoši, ba le seboeng botsenong bja kgoro ya Samaria; pele ga bona baporofeta ka moka ba be ba itshwere ka tsela yeo baporofeta ba itshwarago ka yona."

¹⁷Ke moka Tsedekia morwa wa Kenana a itirela manaka a tšhipi gomme a re: “Se ke seo Jehofa a se boletšego: ‘Wena o tla kgorometša Basiria ka dilo tše go fihlela o ba fediša.’”"

¹⁸Baporofeta ba bangwe ka moka ba be ba porofeta ka tsela e swanago, ba re: “Rotogela Ramothe-gileada o fenye; Jehofa o tla e gafela seatleng sa gago, wena kgoši.”"

¹⁹Moromiwa yo a bego a ile go bitša Mikaya a bolela le yena a re: “Bjale tseba gore mantšu ka moka ao baporofeta ba a boletšego ke a mabotse go kgoši. Hle anke lentšu la gago le dumelelane le mantšu a bona gomme o bolele tše botse.”"

²⁰Eupša Mikaya a re: “Ke ikana ka Jehofa yo a phelago gore seo Jehofa a tlago go mpotša sona, ke sona seo ke tlago go se bolela.”"

²¹Ke moka a ya go kgoši gomme kgoši ya mmotšiša ya re: “Mikaya, na re yo lwa le Ramothe-gileada ntweng goba re tlogele?” Gateetee a re go yona: “Rotoga, o tla fenya; Jehofa o tla e gafela diatleng tša gago, wena kgoši.”"

²²Ge a re’alo kgoši ya re go yena: “Ke go eniše gakae gore o se ke wa mpotša selo ge e se feela therešo ka leina la Jehofa?”"

²³Ka gona Mikaya a re: “Ke bona Baisiraele ka moka ba gašane dithabeng, ba swana le dinku tšeo di se nago modiši. E bile Jehofa o itše: ‘Ba ga ba na beng ba bona. Ba tlogele ka moka ba boele gae ka khutšo.’”"

²⁴Ke moka kgoši ya Isiraele ya re go Jehoshafate: “Na ga se ka go botša ka re: ‘A ka se porofete tše botse ka nna, eupša o tla porofeta tše mpe’?”"

²⁵Mikaya a buša a re: “Ka gona ekwa lentšu la Jehofa. Nna ke bona Jehofa a dutše sedulong sa gagwe sa bogoši a na le madira ka moka a legodimong a eme kgauswi le yena, ka go le letona le le letshadi la gagwe."

²⁶Jehofa a re: ‘Ke mang a tlago go dira Ahaba lešilo gore a rotoge a yo hwela Ramothe-gileada?’ Yo a re se, mola yo mongwe a be a re sela."

²⁷Mafelelong morongwa a tla a ema pele ga Jehofa gomme a re: ‘Nna ke tla mo dira lešilo.’ Ge a re’alo Jehofa a re go yena: ‘O tla mo dira lešilo bjang?’"

²⁸Ke moka yena a re: ‘Ke tla ya ka itira moya wa bofora melomong ka moka ya baporofeta ba gagwe.’ Ka gona Modimo a re: ‘O tla mo dira lešilo, gomme go feta moo, wena o tla fenya. Sepela o yo dira bjalo.’"

²⁹Bjale Jehofa o tsentše moya wa bofora melomong ya baporofeta ba ka moka ba gago; eupša Jehofa o boletše bošula mabapi le wena.”"