1John 3

¹Ga go motho yo a kilego a bona Modimo le ka mohla. Ge re tšwela pele re ratana, Modimo o dula a le go rena gomme lerato la gagwe le phethagatšwa go rena."

²Re a tseba gore re dula re le boteeng le yena gomme yena a le boteeng le rena gobane o re neile moya wa gagwe."

³Go oketša moo, rena re bone gomme re nea bohlatse bja gore Tate o rometše Morwa wa gagwe e le Mophološi wa lefase."

⁴Mang le mang yo a bolelago gore o dumela gore Jesu Kriste ke Morwa wa Modimo, Modimo o dula a le boteeng le motho yo bjalo gomme yena a le boteeng le Modimo."

⁵Rena re a tseba gomme re dumela lerato le Modimo a nago le lona go rena. Modimo ke lerato gomme yo a dulago leratong o dula a le boteeng le Modimo e bile Modimo a le boteeng le yena."

⁶Ye ke tsela yeo lerato le phethagaditšwego ka yona go rena, e le gore re bolele re lokologile letšatšing la kahlolo, gobane ka wona mokgwa wo yo a lego ka wona, le rena re bjalo lefaseng le."

⁷Ga go na poifo leratong, eupša lerato le le phethagetšego le lahlela poifo ka ntle, gobane poifo e a thibela. Ka kgonthe, yo a boifago ga a ešo a phethagatšwa leratong."

⁸Ge e le rena, re na le lerato gobane o re ratile pele."

⁹Ge e ba motho a re: “Ke rata Modimo,” fela a hloile ngwanabo, ke moaketši. Gobane yo a sa ratego ngwanabo yo a mmonago, a ka se rate Modimo yo a sa kago a mmona."

¹⁰Taelo ye re e hweditše go yena, e lego ya gore yo a ratago Modimo o swanetše go rata le ngwanabo."

¹¹Yo mongwe le yo mongwe yo a dumelago gore Jesu ke Kriste, o tswetšwe ke Modimo, le yo mongwe le yo mongwe yo a ratago yo a tswetšego yoo, o rata le yo a tswetšwego ke yena yoo."

¹²Ka se re tseba gore re rata bana ba Modimo, ge re rata Modimo gomme re phetha ditaelo tša gagwe."

¹³Gobane se ke seo lerato la Modimo le se bolelago, gore re boloke ditaelo tša gagwe gomme ditaelo tša gagwe ga di boima,"

¹⁴gobane yo mongwe le yo mongwe yo a tswetšwego ke Modimo o fenya lefase. Ye ke phenyo ye e fentšego lefase, tumelo ya rena."

¹⁵Ke mang yo a ka fenyago lefase? Na ga se yo a dumelago gore Jesu ke Morwa wa Modimo?"

¹⁶Yo ke yena yo a tlilego ka meetse le ka madi, Jesu Kriste; e sego ka meetse feela, eupša ka meetse le ka madi. Moya ke wona o neago bohlatse gobane moya ke therešo."

¹⁷Gobane go na le dilo tše tharo tšeo di neago bohlatse,"

¹⁸ke moya, meetse le madi, gomme bohlatse bja dilo tše tše tharo bo a dumelelana."

¹⁹Ge e ba re amogela bohlatse bjo batho ba bo neago, gona bohlatse bjo Modimo a bo neago ke bjo bogolo. Gobane bjo ke bohlatse bjo Modimo a bo neago, gore o neile bohlatse mabapi le Morwa wa gagwe."

²⁰Motho yo a dumelago Morwa wa Modimo o na le bohlatse ka go yena. Motho yo a se nago tumelo go Modimo o mo dirile moaketši, gobane ga se a dumela bohlatse bjo bo neilwego ke Modimo mabapi le Morwa wa gagwe."

²¹Bjoo ke bjona bohlatse bja gore Modimo o re neile bophelo bjo bo sa felego, gomme bophelo bjo bo go Morwa wa gagwe."

²²Yo a nago le Morwa o na le bophelo bjo; yo a se nago Morwa wa Modimo ga a na bophelo bjo."

²³Ke le ngwalela dilo tše gore le tsebe gore le na le bophelo bjo bo sa felego, lena bao le dumelago leineng la Morwa wa Modimo."

²⁴Ye ke kgodišego ye re nago le yona ya gore go sa šetšwe seo re se kgopelago go ya ka thato ya Modimo, Modimo o a re kwa."