1John 1

¹Ke le ngwalela dilo tše ka bao ba lekago go le timetša."

²Ge e le lena, go tlotšwa mo le go amogetšego go yena go dula go lena gomme ga go nyakege gore go be le motho yo a le rutago; eupša go tlotšwa mo go tšwago go yena go le ruta dilo tšohle gomme ke ga therešo e sego ga maaka. Go etša ge go le rutile, gona dulang le le boteeng le yena."

³Ka gona bana ba ba rategago, dulang le le boteeng le yena e le gore ge a bonagatšwa re be le tokologo ya polelo gomme re se tloge go yena re hlabilwe ke dihlong nakong ya go ba gona ga gagwe."

⁴Ge e ba le tseba gore o lokile, le tseba gore yo mongwe le yo mongwe yo a itlwaetšago go dira go loka o tswetšwe ke yena."

⁵Bonang mohuta wa lerato le Tate a re bontšhitšego lona, e le gore re bitšwe bana ba Modimo; gomme re bona. Ke ka baka leo lefase le sa re tsebego, gobane ga le mo tsebe."

⁶Baratiwa, bjale re bana ba Modimo, eupša ga se gwa tšwa go bonagatšwa seo re tlago go ba sona. Re tseba gore mohla a bonagatšwago re tla swana le yena, gobane re tla mmona ka wona mokgwa wo a lego ka wona."

⁷Yo mongwe le yo mongwe yo a nago le kholofelo ye ka go yena o itshekiša go etša ge yoo a sekile."

⁸Yo mongwe le yo mongwe yo a tlwaetšego go dira sebe e bile o tlwaetše go dira ka go hloka molao, ka gona sebe ke go hloka molao."

⁹Le tseba le gore yena yoo o ile a bonagatšwa gore a tloše dibe tša rena gomme ga go na sebe go yena."

¹⁰Yo mongwe le yo mongwe yo a dulago a le boteeng le yena ga a tlwaele go dira sebe; yo a tlwaetšego go dira sebe ga se a mmona goba a mo tseba."