1Corinthians 7

¹Eupša ge e ba motho a nagana gore o itshwara ka mo go sa swanelago mabapi le go se be ga gagwe lenyalong, ge e ba a fetile lebaka la bofsa, gona seo a swanetšego go se dira ke gore a tsene lenyalong ge e ba a nyaka; ga a dire sebe. A ba nyaleng."

²Eupša ge e ba motho a eme a tiile pelong ya gagwe e bile a sa gateletšege, eupša a kgona go laola thato ya gagwe gomme pelong ya gagwe a dirile phetho ya gore a dule a se lenyalong, o tla dira gabotse."

³Ka baka leo yo a gafelago bokgarebe bja gagwe lenyalong o dira gabotse, eupša yo a sa bego lenyalong o tla dira kaone."

⁴Mosadi o tlemilwe ge feela monna wa gagwe a sa phela. Eupša ge e ba monna wa gagwe a ka robala lehung, mosadi o lokologile go nyalwa ke yo a mo nyakago, eupša e be feela Moreneng."

⁵Eupša go ya ka pono ya ka, o thaba kudu ge e ba a dula a le kamoo a lego ka gona. Ruri ke nagana gore le nna ke na le moya wa Modimo."

⁶Bjale mabapi le dijo tšeo di newago medingwana ya diswantšho, re a tseba gore ka moka re na le tsebo. Tsebo e baka boikgogomošo, eupša lerato le a aga."

⁷Le ge e ba motho a nagana gore o tseba selo se itšego, ga a ešo a se tseba gabotse go etša ge a swanetše go se tseba."

⁸Eupša ge e ba motho a rata Modimo, yena yoo o tsebja ke yena."

⁹Bjale mabapi le go ja dijo tše di newago medingwana, re tseba gore modingwana ga se selo lefaseng, le gore ga go na Modimo ge e se o tee."

¹⁰Gobane gaešita le ge go na le ba bitšwago “medimo,” e ka ba legodimong goba lefaseng, bjalo ka ge go na le “medimo” e mentši le “marena” a mantši,"

¹¹ge e le gabotse go rena Modimo ke o tee, yena Tate, yoo dilo ka moka di tšwago go yena, le rena re ba gagwe; le gona go na le Morena o tee, yena Jesu Kriste, yoo dilo ka moka di lego gona ka yena, le rena re lego gona ka yena."

¹²Lega go le bjalo, tsebo ye ga se bohle bao ba nago le yona; eupša ba bangwe ka ge ba be ba kile ba tlwaelana le modingwana, ba ja dijo e le selo se se hlabetšwego modingwana gomme ka ge letswalo la bona le fokola, le a šilafala."

¹³Eupša dijo di ka se re batametše go Modimo; ge e ba re sa je, ga re hlaelelwe ke selo, le gona ge e ba re eja, ga re boelwe ke selo."

¹⁴Eupša dulang le phakgametše gore ka tsela e itšego tshwanelo ya lena ya go ikgethela ga e be tšhitišo go bao ba fokolago."

¹⁵Gobane ge e ba motho a ka bona wena yo a nago le tsebo o dutše dijong tempeleng ya modingwana wa seswantšho, na letswalo la yoo yo a fokolago le ka se thatafatšwe go fihla boemong bjoo a tlago go ja dijo tše di newago medingwana ya diswantšho?"

¹⁶Ruri ka tsebo ya gago, tumelo ya motho yo a fokolago e a gobatšwa, yena yo e lego ngwaneno yo Kriste a ilego a hwa ka baka la gagwe."

¹⁷Ka gona ge lena le šitela bana babo lena gomme le ntšha matswalo a bona a fokolago dintho, le dira sebe go Kriste."

¹⁸Ka baka leo, ge e ba dijo di kgopiša ngwanešo, gona nka se sa hlwa ke eja nama le ka mohla, e le gore ke se ke ka kgopiša ngwanešo."

¹⁹Na ga se ka lokologa? Na ga ke moapostola? Na ga se ka bona Jesu Morena wa rena? Na lena ga le modiro wa ka Moreneng?"

²⁰Le ge e ba ke se moapostola go ba bangwe, ruri ke yena go lena, gobane le seka seo se tiišetšago boapostola bja ka Moreneng."

²¹Ke itwela ka tsela e latelago go bao ba ntshekišago:"

²²Na ga re na tshwanelo ya go ja le go nwa?"

²³Na ga re na tshwanelo ya go sepela le mosadi wa rena yo e lego modumedi, go etša baapostola ba bangwe ka moka le bana babo Morena gotee le Kefase?"

²⁴Goba na ke nna le Baranaba feela bao re se nago tshwanelo ya go efoga mošomo wa boiphedišo?"

²⁵Ke mohlabani ofe yo a ka hlankelago ka ditshenyegelo tša gagwe? Ke mang yo a bjalago serapa sa merara gomme a se je dienywa tša sona? Goba ke mang yo a dišago mohlape gomme a se je maswi a mohlape?"

²⁶Na ke bolela dilo tše go ya ka pono ya batho? Goba na Molao le wona ga o bolele dilo tše?"

²⁷Gobane molaong wa Moshe go ngwadilwe gwa thwe: “O se ke wa tlema poo molomo ge e fola mabele.” Na ke dipoo tšeo Modimo a tshwenyegilego ka tšona?"

²⁸Goba na se o tloga a se bolela ka baka la rena? Ruri go ngwaletšwe rena, gobane motho yo a lemago le motho yo a folago ba swanetše go dira bjalo ka kholofelo ya go ba baji."

²⁹Ge e ba re bjetše dilo tša moya gare ga lena, na e tla ba phošo ge e ba re tla buna dilo tša nama go lena?"

³⁰Ge e ba batho ba bangwe ba eba le kabelo matleng a godimo ga lena, na rena ga re be le yona le go feta? Lega go le bjalo, ga se ra diriša matla a, eupša re kgotlelela dilo ka moka, e le gore re tle re se šitiše ka tsela le ge e le efe ditaba tše dibotse tša mabapi le Kriste."

³¹Na ga le tsebe gore banna bao ba dirago mediro e mekgethwa ba ja dilo tša tempeleng gomme bao ka mehla ba dirago mediro aletareng ba hwetša kabelo ya bona aletareng?"

³²Le gona ka tsela ye Morena o laetše mabapi le bao ba tsebatšago ditaba tše dibotse gore ba phele ka ditaba tše dibotse."

³³Eupša ga se ka diriša le ka e tee ya ditokišetšo tše. Ruri, ga se ka ngwala dilo tše e le gore di direlwe nna. Nka upša ka hwa. Ga go na motho yo a tlago go dira gore lebaka la ka la go ikgantšha e be la lefeela!"

³⁴Bjale ge e ba ke bolela ditaba tše dibotse, ga se lebaka la gore ke ikgantšhe, gobane ke tlamegile. Ruri, go madimabe nna ge e ba ke se ka bolela ditaba tše dibotse!"

³⁵Ge e ba ke dira se ka boithatelo, ke na le moputso; eupša ge e ba ke dira se ke sa rate, go a swana ka ge ke gafetšwe bolaki."

³⁶Ka gona moputso wa ka ke eng? Ke gore ge ke dutše ke bolela ditaba tše dibotse ke di tliše ka ntle le tefo, e le gore ke pheme go diriša matla a ka gampe ditabeng tše dibotse."

³⁷Gobane le ge ke lokologile bathong bohle, ke itirile mohlanka go bohle, e le gore ke rue batho ba bantši ka mo go ka kgonegago."

³⁸Ka gona go Bajuda ke bile bjalo ka Mojuda, e le gore ke rue Bajuda; go bao ba lego tlase ga molao ke bile bjalo ka yo a lego tlase ga molao, le ge nna ke se tlase ga molao, e le gore ke rue bao ba lego tlase ga molao."

³⁹Go bao ba se nago molao ke bile bjalo ka yo a se nago molao, le ge ke se yo a se nago molao mabapi le Modimo eupša ke le tlase ga molao mabapi le Kriste, e le gore ke rue bao ba se nago molao."

⁴⁰Go ba fokolago ke bile yo a fokolago, e le gore ke rue ba fokolago. Ke bile dilo tšohle go batho ba mehuta ka moka, e le gore ka mešegofela ke phološe ba bangwe."