1Corinthians 4

¹Goba na ga le tsebe gore bakgethwa ba tla ahlola lefase? Ge e ba lefase le tla ahlolwa ke lena, na ga le swanelegele go ahlola ditaba tše di sa rego selo?"

²Na ga le tsebe gore re tla ahlola barongwa? Ka gona ke ka baka la’ng re ka se ahlole ditaba tša bophelo bjo?"

³Ka gona ge e ba le na le ditaba tša bophelo bjo tše di swanetšego go sekwa, na le bea banna bao ba tšeelwago fase ka phuthegong gore e be baahlodi?"

⁴Ke bolela gore ke le hlabiše dihlong. Na ga go na motho le o tee yo bohlale gare ga lena yo a tla kgonago go ahlola magareng ga bana babo?"

⁵Go e na le moo ngwanabo motho o išana kgorong le ngwanabo, le gona pele ga ba ba sa dumelego!"

⁶Ka gona gore le a sekišana ruri go bolela gore le fentšwe ka mo go feletšego. Ke ka baka la’ng le sa upše la dumela go fošetšwa? Ke ka baka la’ng le sa upše la dumela go radiiwa?"

⁷Go fapana le seo, le a foša e bile le a radia gomme seo le se dira bana babo lena."

⁸Na ruri ga le tsebe gore batho ba ba sa lokago ba ka se je bohwa bja mmušo wa Modimo? Le se ke la timetšwa. Ge e le diotswa goba barapedi ba medimo ya diswantšho goba dihlotlolo goba banna ba ba boloketšwego merero yeo e sego ya tlhago goba banna ba ba robalago le banna,"

⁹goba mahodu goba batho ba megabaru goba matagwa goba ba maroga goba bahlakodi ba ka se je bohwa bja mmušo wa Modimo."

¹⁰Lega go le bjalo, seo ke se ba bangwe ba lena le bego le le sona. Eupša le hlatswitšwe la hlweka, eupša le kgethagaditšwe, eupša go boletšwe gore le lokile leineng la Morena wa rena Jesu Kriste le ka moya wa Modimo wa rena."

¹¹Go nna dilo ka moka di dumeletšwe ke molao; eupša ga se dilo ka moka tše di holago. Go nna dilo ka moka di dumeletšwe ke molao; eupša nka se itumelele go laolwa ke selo."

¹²Dijo ke tša mpa le mpa ke ya dijo; eupša Modimo o tla fetoša mpa gotee le dijo gore e be lefeela. Bjale mmele ga se wa bootswa, eupša ke wa Morena; gomme Morena ke wa mmele."

¹³Eupša Modimo o tsošitše Morena gomme le rena o tla re tsoša lehung ka matla a gagwe."

¹⁴Na ga le tsebe gore mebele ya lena ke ditho tša Kriste? Ka gona na nka tšea ditho tša Kriste gomme ka di dira ditho tša mogweba-ka-mmele? Le gateetee!"

¹⁵Na ruri ga le tsebe gore yo a kgomarelago mogweba-ka-mmele ke mmele o tee le yena? Gobane Modimo o re: “Ba babedi ba e tla ba nama e tee.”"

¹⁶Eupša yo a kgomarelago Morena ke moya o tee le yena."

¹⁷Tšhabang bootswa. Sebe le ge e le sefe se sengwe seo motho a ka se dirago se ka ntle ga mmele wa gagwe, eupša yo a tlwaetšego go dira bootswa o direla mmele wa gagwe sebe."

¹⁸Na ga le tsebe gore mmele wa lena ke tempele ya moya o mokgethwa wo o lego ka go lena, wo le o hweditšego go Modimo? Le gona ga le ba lena,"

¹⁹gobane le rekilwe ka theko e kgolo. Ka gona tagafatšang Modimo mmeleng wa lena."

²⁰Bjale mabapi le dilo tšeo le ngwadilego ka tšona, ke mo gobotse gore monna a se kgome mosadi;"

²¹eupša ka baka la go ata ga bootswa, anke monna yo mongwe le yo mongwe a be le mosadi wa gagwe le mosadi yo mongwe le yo mongwe a be le monna wa gagwe."