Returnees from Exile

¹Bana babo bona bao ba lego metsaneng ya bona ba be ba swanetše gore nako le nako ba tle go ba thuša ka matšatši a šupago."

²Maemong ao ba beilwego go ona ka ge ba botega, go be go na le banna ba bane ba matla go tšwa go baletakgoro. E be e le Balefi, gomme ba be ba hlokomela diphapoši tša go jela le matlotlo a ntlong ya Modimo wa therešo."

³Ba be ba fetša bošego ka moka ba dikologile ntlo ya Modimo wa therešo; ka gobane ba be ba dira modiro wa go hlapetša, ba swara senotlelo, e bile mesong e mengwe le e mengwe ba bula dikgoro."

⁴Ba bangwe ba bona ba be ba hlokomela dibjana tša go dira tirelo, gobane ba be ba re ge ba di tliša ba di bala, le ge ba di ntšha ba di bala."

⁵Ba bangwe ba bona e be e le banna bao ba kgethilwego gore ba hlokomele dibjana, dibjana ka moka tše kgethwa, bupi bja mathume, beine, makhura, diorelo le makhura a bitšwago balesamo."

⁶Ba bangwe ba barwa ba baperisita ba be ba dira motswako wa setlolo sa makhura a bitšwago balesamo."

⁷Matitia yo e lego yo mongwe wa Balefi, leitšibulo la Shalume wa Mokora, o be a kgethilwe gore a hlokomele tšeo di pakilwego ka dipaneng ka ge a be a botega."

⁸Bana ba bangwe babo bona ba barwa ba Bakohathe ba be ba hlokometše dinkgwa tša go hlatlaganywa, gore ba di lokišetše sabatha se sengwe le se sengwe."

⁹Ba e be e le diopedi, matona a dihlogo tša malapa a Balefi diphapošing tša go jela, bao ba bego ba sa dire mediro e mengwe; ka gobane mosegare le bošego ba be ba swanetše go ba mošomong wa bona."

¹⁰Ba e be e le matona a dihlogo tša Balefi go ya ka mašika a bona, e lego bona baetapele. Ba ke bona ba bego ba dula Jerusalema."

¹¹Jeiele tatago Gibeoni o be a dula Gibeoni gomme leina la mosadi wa gagwe e be e le Maaka."

¹²Morwa wa gagwe wa leitšibulo e be e le Abadone, gwa latela Tsuri, Kishe, Baali, Nere, Nadaba"

¹³le Gedora, Ahio, Sakaria le Mikilothe."

¹⁴Ge e le Mikilothe yena e be e le tatago Shimeama. Ba ke bona bao ba bego ba dula go lebana le bana babo bona kua Jerusalema, ba dula gotee le bana babo bona."

¹⁵Ge e le Nere yena e bile tatago Kishe; Kishe ya ba tatago Saulo; Saulo ya ba tatago Jonathane, Malaki-shua, Abinadaba le Eshibaali."

¹⁶Morwa wa Jonathane e be e le Meriba-baali. Meriba-baali yena ya ba tatago Mika."

¹⁷Barwa ba Mika e be e le Pithona, Meleke, Tarea le Ahasi."

¹⁸Ahasi yena ya ba tatago Jara; Jara ya ba tatago Alemethe, Asimafete le Simiri. Simiri ya ba tatago Motsa."

¹⁹Motsa yena ya ba tatago Binea, yena morwa wa gagwe ya ba Rafaha, yena morwa wa gagwe ya ba Eleasa gomme yena morwa wa gagwe ya ba Atsele."

²⁰Atsele o be a na le barwa ba tshelelago, gomme maina a bona šea: Aserikama, Bokeru, Ishimaele, Shearia, Obadia le Hanana. Ba e be e le barwa ba Atsele."

²¹Bafilisita bona ba ile ba lwa le Isiraele; banna ba Isiraele ba tšhaba pele ga Bafilisita ba ba ba hwa ka sehlogo kua Thabeng ya Giliboa."

²²Bafilisita ba hlomarela Saulo le barwa ba gagwe; Bafilisita ba bolaya Jonathane, Abinadaba le Malaki-shua, e lego barwa ba Saulo."

²³Ntwa e ile ya thatafalela Saulo; mafelelong babetši ba bora ba mo hwetša ke moka ba mo gobatša."

²⁴Saulo a botša morwadi wa dibetša tša gagwe a re: “Khwamola tšhoša ya gago o mphuleletše ka yona, gore banna ba ba go se bolle ba se re go tla mo ba nkgoboša.” Morwadi wa dibetša tša gagwe yena o be a sa nyake go dira seo ka gobane o be a boifa o šoro. Ka gona Saulo a tšea tšhoša a wela godimo ga yona."

²⁵Ge morwadi wa dibetša tša Saulo a bona gore o hwile, le yena a wela godimo ga tšhoša gomme a hwa."

²⁶Ke kamoo Saulo le barwa ba gagwe ba bararo ba hwilego ka gona, gomme bohle ba ntlo ya gagwe bao ba bego ba na le yena ba hwa ka nako e tee."

²⁷Ge banna ka moka ba Isiraele bao ba bego ba le moeding ba bona gore madira a tšhabile le gore Saulo le barwa ba gagwe ba hwile, ba ile ba tlogela metse ya bona gomme ba tšhaba; ka morago ga moo Bafilisita ba tla ba dula go yona."

²⁸Letšatšing le le latelago ge Bafilisita ba etla go hula bao ba bolailwego, ba ile ba hwetša Saulo le barwa ba gagwe ba hwile Thabeng ya Giliboa."

²⁹Ba mo hula gomme ba mo kgaola hlogo ba ba ba tšea le dibetša tša gagwe, ke moka ba romela molaetša nageng ka moka ya Bafilisita gore ba tsebiše medingwana ya bona le setšhaba ka seo."

³⁰Mafelelong ba bea dibetša tša gagwe ka ntlong ya modimo wa bona, gomme legata la gagwe ba le bofelela ntlong ya Dagoni."

³¹Bohle ba kua Jabeshe ya Gileada ba kwa ka tšohle tšeo Bafilisita ba di dirilego Saulo."

³²Ka gona bagale bohle ba ema gomme ba yo rwala setopo sa Saulo le ditopo tša barwa ba gagwe ba di tliša Jabeshe, ke moka ba boloka marapo a bona Jabeshe ka tlase ga sehlare se segolo; ba ikona dijo ka matšatši a šupago."

³³Ka go re’alo Saulo a hwela go se botege ga gagwe ka ge a ile a se be le tumelo go Jehofa mabapi le lentšu la Jehofa leo a sego a le lota, le ka ge a ile a ya go motho yo a dirišanago le meoya e mebe gomme a botšiša yena."

³⁴Ga se a ka a botšiša Jehofa. Ka gona o ile a mmolaya gomme a nea Dafida morwa wa Jese bogoši."

³⁵Ge nako e tšwela pele Baisiraele ka moka ba ile ba kgobokana go Dafida kua Heburone gomme ba re: “Bona! Re madi a gago."

³⁶Go tloga maabane le maloba le nakong ya ge Saulo e be e sa le kgoši, ke wena o bego o eteletše Isiraele pele o e ntšha e bile o e goroša; gomme Jehofa Modimo wa gago o itše go wena: ‘Wena o tla diša setšhaba sa ka sa Isiraele, e bile wena o tla ba moetapele wa setšhaba sa ka sa Isiraele.’”"

³⁷Ka gona banna ba bagolo ka moka ba Isiraele ba tla go kgoši kua Heburone, gomme Dafida a dira kgwerano le bona moo Heburone pele ga Jehofa; ka morago ga moo ba tlotša Dafida gore e be kgoši ya Isiraele ka go ya ka lentšu la Jehofa leo a le boletšego a diriša Samuele."

³⁸Ka morago Dafida le Baisiraele ka moka ba ya Jerusalema, ke gore Jebusi, nageng yeo Bajebusi ba bego ba dula go yona."

³⁹Badudi ba Jebusi ba re go Dafida: “O ka se tsene mo.” Eupša Dafida a thopa sebo sa Tsione, ke gore Motse wa Dafida."

⁴⁰Ka gona Dafida a re: “Motho yo a ka fenyago Bajebusi pele, e tla ba hlogo le kgošana.” Joaba morwa wa Tseruya a rotoga pele gomme ya ba yena hlogo."

⁴¹Ke moka Dafida a dula lefelong leo le sa fihlelelegego. Ke ka baka leo ba ilego ba le bitša gore ke Motse wa Dafida."

⁴²A aga motse woo ka gohle, a thoma ka Mmoto go ba go fihla ka dikarolo tše dingwe tša wona go o dikologa, eupša Joaba a tsošološa karolo yeo e šetšego ya motse."

⁴³Dafida a iša pele e eba yo mogolo kudu, ka gobane Jehofa wa madira o be a na le yena."

⁴⁴Ba ba latelago ke bao e lego dihlogo tša bagale ba Dafida, bao ba bego ba mo swarišitše ka go tia bogoši bja gagwe ba na le Isiraele ka moka, gore ba mo dire kgoši go ya ka lentšu la Jehofa la mabapi le Isiraele."