Divisions of the Priests

¹Ke oonyana baka-Aron, amaqela abo ibingala: oonyana baka-Aron nguNadabhi, noAbhihu, noElazare, noItamare."

²Bafa ooNadabhi noAbhihu phambi koyise, bengenanyana; baba ngababingeleli ooElazare noItamare."

³Wabahlula uDavide: yanguTsadoki koonyana bakaElazare, yanguAhimeleki koonyana bakaItamare, ngodidi lwabo ekonzweni yabo."

⁴Bafumaneka oonyana bakaElazare bebaninzi ngokweentloko zamagorha, ngaphezu koonyana bakaItamare. Babenjenje ukubahlula: koonyana bakaElazare, iintloko zezindlu zooyise zaba lishumi elinantandathu; koonyana bakaItamare, zasibhozo ngokwezindlu zooyise."

⁵Babahlula ngamaqashiso, aba baba naba; ngokuba abaphathi bendawo engcwele nabaphathi bakaThixo bebengabakoonyana bakaElazare, naphakathi koonyana bakaItamare."

⁶UShemaya unyana kaNataniyeli umbhali, wakubaLevi, wababhala phambi kokumkani, nabathetheli, noTsadoki umbingeleli, noAhimeleki unyana ka-Abhiyatare, neentloko zezindlu zooyise kubabingeleli nakubaLevi; indlu yoyise inye iphuma noElazare, inye iphuma noItamare."

⁷Laphuma iqashiso lokuqala noYoyaribhi, elesibini noYidaya,"

⁸elesithathu noHarim, elesine noSehorim,"

⁹elesihlanu noMalekiya, elesithandathu noMiyamin,"

¹⁰elesixhenxe noHakotse, elesibhozo noAbhiya,"

¹¹elesithoba noYeshuwa, eleshumi noShekaniya,"

¹²eleshumi elinanye noEliyashibhi, eleshumi elinesibini noYakim,"

¹³eleshumi elinesithathu noHupa, eleshumi elinesine noYeshebhabhi,"

¹⁴eleshumi elinesihlanu noBhilega, eleshumi elinesithandathu noImere,"

¹⁵eleshumi elinesixhenxe noHezire, eleshumi elinesibhozo noApitsetse,"

¹⁶eleshumi elinesithoba noPetaya, elamashumi omabini noYehezekeli,"

¹⁷elamashumi omabini analinye noYakin, elamashumi omabini anesibini noGamuli,"

¹⁸elamashumi omabini anesithathu noDelaya, elamashumi omabini anesine noMahazeya."

¹⁹Lulo olo udidi lwabo, lwenkonzo yabo yokungena endlwini kaYehova, ngokwesiko labo elanikwa nguAron uyise, njengoko wawisa umthetho uYehova uThixo kaSirayeli."

²⁰Ke koonyana bakaLevi abaseleyo ngaba: koonyana baka-Amram nguShubhayeli; koonyana bakaShubhayeli nguYedeya."

²¹NgoRehabhiya: koonyana bakaRehabhiya, intloko nguIshiya."

²²KumaItsare nguShelomoti; koonyana bakaShelomoti nguYahati."

²³Koonyana bakaHebron nguYeriya inkulu, noAmariya owesibini, noYahaziyeli owesithathu, noYekamam owesine."

²⁴Oonyana bakaUziyeli nguMika; koonyana bakaMika nguShamire."

²⁵Umkhuluwa kaMika nguIshiya; koonyana bakaIshiya nguZekariya."

²⁶Oonyana bakaMerari nguMali noMushi, oonyana bakaYahaziya unyana wakhe."

²⁷Kwaoonyana bakaMerari ngooYahaziya unyana wakhe, noShoham, noSakure, noIbri."

²⁸NgoMali kuvele uElazare, ongabanga nanyana."

²⁹NgoKishe: oonyana bakaKishe nguYerameli."

³⁰Oonyana bakaMushi nguMali, noEdere, noYerimoti. Ngabo abo oonyana babaLevi, ngokwezindlu zooyise."

³¹Babawisela amaqashiso nabo kwanjengabazalwana babo, oonyana baka-Aron, phambi koDavide ukumkani, noTsadoki, noAhimeleki, neentloko zezindlu zooyise zababingeleli nezabaLevi: iinkulu zezindlu zooyise kwanjengabaninawa babo."