David's Family and Victories

¹go barwa ba Elisafane, e be e le molaodi Shemaya le bana babo, e le ba makgolopedi;"

²go barwa ba Heburone, e be e le molaodi Eliele le bana babo, e le ba masomeseswai;"

³go barwa ba Usiele, e be e le molaodi Aminadaba le bana babo, e le ba lekgolo-lesomepedi (112)."

⁴Godimo ga moo, Dafida a bitša moperisita Tsadoko le moperisita Abiathara, le Uriele, Asaya, Joele, Shemaya, Eliele le Aminadaba, bao e bego e le Balefi,"

⁵ke moka a re go bona: “Lena le matona a dihlogo tša Balefi. Ikgethagatšeng, lena le bana babo lena gomme le rotošetše areka ya Jehofa Modimo wa Isiraele lefelong leo ke le lokišeditšego yona."

⁶Ka gobane ka lekga la pele ga se la dira bjalo, gomme Jehofa Modimo wa rena o ile a re gogola ka ge re se ra mo tsoma ka mokgwa o tlwaetšwego.”"

⁷Ka gona baperisita le Balefi ba ikgethagatša e le gore ba rotoše areka ya Jehofa Modimo wa Isiraele."

⁸Ke moka barwa ba Balefi ba rwala areka ya Modimo wa therešo ka dikota magetleng, feela bjalo ka ge Moshe a be a laetše go ya ka lentšu la Jehofa."

⁹Bjale Dafida a botša balaodi ba Balefi gore ba beakanye bana babo bona ba diopedi ba swere diletšo tša mmino, e lego dikwadi, diharepa le disimbala, gomme ba di leletše godimo gore go kwale modumo wa lethabo."

¹⁰Ka gona Balefi ba bea Hemane morwa wa Joele, gomme go bana babo ba bea Asafa morwa wa Berekia; go barwa ba Merari bao e lego bana babo bona ba bea Ethane morwa wa Kushaya;"

¹¹ba bea bona le bana babo bona ba sehlopha sa bobedi, e lego Sakaria, Bene, Jaatsiele, Shemiramothe, Jehiele, Uni, Eliaba, Benaya, Maaseya, Matitia, Elifelehu, Mikinea, le baletakgoro e lego Obede-edomo le Jeiele,"

¹²le diopedi e lego Hemane, Asafa le Ethane, ba swere disimbala tša koporo gore ba di leletše godimo;"

¹³le Sakaria, Atsiele, Shemiramothe, Jehiele, Uni, Eliaba, Maaseya le Benaya, ba swere dikwadi tšeo di beakantšwego gore di llele godimo,"

¹⁴le Matitia, Elifelehu, Mikinea, Obede-edomo, Jeiele le Asasia, ba swere diharepa tšeo di beakantšwego gore di llele tlase gomme ba ba bea gore e be baopediši;"

¹⁵le Kenania molaodi wa Balefi modirong wa go rwala areka, o be a ba laela kamoo e rwalwago ka gona, ka gobane e be e le setsebi;"

¹⁶le Berekia le Elikana baleti ba Areka;"

¹⁷le baperisita e lego Shebania, Joshafate, Nethanele, Amasai, Sakaria, Benaya le Eliesere, ba leletša diphalafala godimo pele ga areka ya Modimo wa therešo, gotee le Obede-edomo le Jehia baleti ba Areka."