David Made King; Mighty Men

¹Gaešita le ge a be a tsebega kudu go feta ba bangwe ba masometharo, eupša ga se a ka a fihla maemong a bale ba bararo ba pele. Dafida o ile a mmea gore e be mookamedi wa mohlapetši wa gagwe."

²Ge e le banna ba matla ba madira, e be e le Asahele ngwanabo Joaba, Elihanani morwa wa Dodo wa Betlelehema"

³le Shamothe wa Moharori, Heletse wa Mopeloni"

⁴le Ira morwa wa Ikeshe wa Mothekoa, Abi-esere wa Moanathothe"

⁵le Sibekai wa Mohusha, Ilai wa Moahohi"

⁶le Maharai wa Monetofa, Heledi morwa wa Baena wa Monetofa"

⁷le Ithai morwa wa Ribai wa Gibea ya barwa ba Benjamini, Benaya wa Mopirathone"

⁸le Hurai wa go tšwa meeding ya mafula ya Gaashe, Abiele wa Moaraba"

⁹le Asimafete wa Mobahurimi, Eliahaba wa Moshaalabima"

¹⁰le barwa ba Hasheme wa Mogitsoni, Jonathane morwa wa Shagee wa Moharari"

¹¹le Ahiama morwa wa Sakara wa Moharari, Elifale morwa wa Uri"

¹²le Hefere wa Momekera, Ahija wa Mopeloni"

¹³le Hetsero wa Mokaramele, Naarai morwa wa Esibai"

¹⁴le Joele ngwanabo Nathane, Mibihara morwa wa Hagiri"

¹⁵le Tseleke wa Moamoni, Naharai wa Mobeerothe, e lego morwadi wa dibetša wa Joaba morwa wa Tseruya"

¹⁶le Ira wa Moithira, Garebe wa Moithira"

¹⁷le Uria wa Mohethe, Sabada morwa wa Ahalai"

¹⁸le Adina morwa wa Shisa wa Morubeni, e lego hlogo ya Barubeni, yena yoo e bego e le hlogo ya ba masometharo;"

¹⁹le Hanana morwa wa Maaka, Joshafate wa Momethine"

²⁰le Utsia wa Moashitherothe, Shama le Jeiele barwa ba Hothama wa Moaroere"

²¹le Jediale morwa wa Shimiri le Joha ngwanabo wa Mothitsi"

²²le Eliele wa Momahafima, Jeribai le Joshafia barwa ba Elinaama le Ithima wa Momoaba"

²³gotee le Eliele, Obede le Jaasiele wa Mometsoba."

²⁴Ba ke bao ba tlilego go Dafida kua Tsikilaga ge a be a sa kgone go sepela ka bolokologi ka baka la Saulo morwa wa Kishe; ba be ba le gare ga bagale, ba go thuša ntweng,"

²⁵ba itlhamile ka bora, e bile ba diriša seatla sa le letona le sa le letshadi go betša maswika goba mesebe ka bora. E be e le bana babo Saulo, ba moloko wa Benjamini."

²⁶E be e le Ahiesere hlogo ya bona le Joashe, bona barwa ba Shemaa wa Mogibea, Jesiele le Pelete barwa ba Asimafete, Beraka, Jehu wa Moanathothe"

²⁷le Ishimaya wa Mogibeoni, e lego mogale gare ga ba masometharo e bile a ba okametše; le Jeremia, Jahasiele, Johanana le Josabadi wa Mogedera,"

²⁸le Elusai, Jerimothe, Bealia, Shemaria le Shefatia wa Moharifa,"

²⁹le Elikana, Isishia, Asarele, Joesere le Jashobeama bao e bego e le Bakora,"

³⁰le Joela le Sebadia barwa ba Jerohama wa Gedora."

³¹Go be go na le ba bangwe ba Bagada bao ba ilego ba itlhaolela ka lehlakoreng la Dafida lefelong leo le sa fihlelelegego kua lešokeng. E be e le banna ba bagale, ba matla, madira a ntwa, ba dula ba swere kotse e kgolo le lerumo, bao difahlego tša bona e bego e le tša ditau gomme ba na le lebelo la go etša la ditshepe dithabeng."

³²Esere e be e le yena wa pele, Obadia e le wa bobedi, Eliaba e le wa boraro,"

³³Mishamana e le wa bone, Jeremia e le wa bohlano,"

³⁴Athai e le wa botshelela, Eliele e le wa bošupa,"

³⁵Johanana e le wa seswai, Elisabadi e le wa senyane,"

³⁶Jeremia e le wa lesome, gomme Makabanai e le wa lesometee."

³⁷Ba e be e le ba barwa ba Gada, dihlogo tša madira. Yo monyenyane o be a ka fenya ba lekgolo gomme yo mogolo a fenya ba sekete (1 000)."

³⁸Ba ke bona bao ba ilego ba tshela Noka ya Jorodane kgweding ya pele ge e be e falala maribeng a yona ka moka gomme ba raka bohle bao ba dulago meeding, ba ba rakela bohlabela le bodikela."

³⁹Ba bangwe ba barwa ba Benjamini le Juda ba fihla lefelong leo le sa fihlelelegego, ba fihla go Dafida."

⁴⁰Ke moka Dafida a tšwa a ya go bona, a ba botša a re: “Ge e ba le tlile go nna ka khutšo go tlo nthuša, gona pelo ya ka e tla kwana le lena. Eupša ge e ba le tlile go nkeka gore ke swarwe ke manaba a ka mola ke se na molato, gona anke Modimo wa borakgolokhukhu ba rena a bone taba ye gomme a e lokiše.”"

⁴¹Amasai e lego hlogo ya ba masometharo a aparelwa ke moya wa Modimo, ke moka a re: “Re ba gago wena Dafida, e bile re na le wena, wena morwa wa Jese. Anke khutšo e be le wena, yona khutšo, le gona anke khutšo e be le yo a go thušago, Gobane Modimo wa gago o go thušitše.” Ka gona Dafida a ba amogela gomme a ba bea gare ga dihlogo tša dihlopha tša bahlabani."

⁴²Go na le ba bangwe ba ga Manase bao ba ilego ba tšhabela go Dafida ge a be a etla le Bafilisita go tlo lwa le Saulo; eupša ga a ka a ba thuša ka gobane dikgošana tša Bafilisita di ile tša kwana gore di mo rake, tša re: “O tla bea maphelo a rena kotsing a boela go Saulo mong wa gagwe.”"

⁴³Ge a fihla Tsikilaga, bao ba ilego ba tšhabela go yena go tšwa molokong wa Manase e be e le Adene, Josabadi, Jediale, Mikaele, Josabadi, Elihu le Silethai, tšona dihlogo tša ba dikete tša moloko wa Manase."

⁴⁴Bona ba ile ba thuša Dafida go bao ba bego ba mo hlasela, ka gobane ka moka ga bona e be e le banna ba bogale ba matla, gomme ya ba balaodi ba madira;"

⁴⁵letšatši le letšatši batho ba ile ba tla go tlo thuša Dafida, go ba go fihlela e eba madira a mantši, a etša madira a Modimo."

⁴⁶Tše di latelago e be e le dipalo tša dihlogo tša bao ba bego ba itlhametše ntwa, bao ba ilego ba tla go Dafida kua Heburone go tla go gafela bogoši bja Saulo go yena ka taelo ya Jehofa."

⁴⁷Barwa ba Juda bao ba bego ba rwala dikotse tše kgolo le marumo e be e le ba dikete tše tshela-makgoloseswai (6 800), ba itlhametše ntwa."